Mga minimum wage earners sa Central Visayas,

may dugang sa ilang suholan sugod Marso 10

TAGBILARAN CITY, March 7 (PIA)--Makadawat og dugang P13 sa ilang i-nadlaw nga suholan ang mga minimum wage earner sa Central Visayas epektibo sugod karong Biyernes, Marso 10.

Matud pa ni Department of Labor and Employment (DOLE) Central Visayas Director Exequiel Sarcauga, nahisakop sa maong wage order ang mga trabahante sa Bohol, Cebu, Negros Oriental ug Siquijor.

Ubos sa bag-ong wage order, ang minimum wage earners gikan sa first class municipalities nga nagtrabaho sa mga commercial ug industrial establishments makadawat na og P366 matag adlaw.

Mosaka na usab sa P333 ang take-home pay sa mga trabahante gikan sa mga second class municipalities.

Samtang P323 matag adlaw ang madawat sa third class municipalities ug P308 usab sa fourth class municipalities diin apil na niini ang Siquijor, Bantayan Island ug Camotes island. (ecb/PIA7-Bohol)