Delegados sa ASEAN

nagsugod nag abot

TAGBILARAN CITY, April 18 (PIA)--Nagsugod na'g abut ang mga delegados nga motambong sa mga tigum sa patigayun nga himoon sa Association of South east Asian Nations (ASEAN) sugod Abril 19-21, 2018. 

Kini maoy gikompirmar ni Liza Flores, hepe sa Special Events sa Kapitolyo ug maoy nasangunan sa pag-sugat og pag-abi-abi sa mga bisita sa ASEAN nga moagi sa tugpahanan sa Tagbilaran ug sa pantalan sa syudad. 

Karong tuiga, ang Pilipinas maoy nahimong lugar nga pagahimo-an sa tinuig nga mga kalihukan sa ASEAN, ug kini nga katungod malibut usab sa 10 ka nasud nga sakop sa bahan. 

Sa Pilipinas, 12 ka mga lalawigan ang pagahimo-an sa mga kalihukan sa ASEAN, ug dinhi sa Bohol himoon ang 10th ASEAN and Hong Kong Free Trade Agreement (AHKFTA) Trade Negotiating Committee and Related Meetings. 

Kining mga tigum sa ASEAN adto himoon sa Hennan Resort sa Panglao sa mga nahisgutang petsa. 

Ang tigum dinhi, pangunahan sa Department of Trade and Industry ug maga-apil sa mga ministro ug senior officials sa napulo ka mga nasud. 

Ang unang bahan sa mga delegados mutugpa sa Tagbilaran Abril 18 sa buntag, ug uban sa mga delegados si Department of Interior and Local Government Undersecretary Catalino Cuy.

Si Usec Cuy ma-anhi sa Bohol aronpersonal nga dumalahon ug suta-on ang mga pagpangandam ilabi na sa seguridad. 

Si Usec Cuy maoy undersecretary sa Peace and Order sa DILG. 

Matud sa National Organizing Council sa ASEAN, kompirmado na nga moanhi sa tigum sila Director Julia Tijaja sa ASEAN Secretariat, ang International Trade Cooperation Ministry of Trade of the Trade Negotiations Committee Director General Iman Pambagyo, ug si DTI Assistant Secretary Anna Maria Rosario Diaz Rubeniol sa Pilipinas. 

Maobut sa Abril 19 ang delegasyon sa Singapore uban sa ilang head nga si ASEAN Division sa Ministry of Trade and Industry Sulaimah Mahmood ug Indonesian Ministry of Trade Director Donna Gultom. 

Motambong usab sa mga tigum sa Bohol si Brunei Darussalam Ministry of Foreign Affairs and Trade First secretary Yusdiman Saman, ug ang Cambodia Deputy Director General of International Trade Tan Yuvaroath. 

Nia usab si Lao People's Democratic Republic's Ministry of Industry ug Commerce Director General Dr. Laohua Cheutching, ang Minister of International Trade and Industry Deputy Secretary General Isham Ishak sa Malaysia ug Myanmar Director sa Directorate of Investment and Company Administration, Ministry of National Planning and Economic Development nga si Tin Aye Han. 

Motambong usab human mikompirmar si Thailand Department of Trade and Negotiations Director of ASEAN Affairs Bureau Chotima Iemsawasdikul, ug Ministry of Industry and Trade Director Coung Ba Tran sa Vietnam. 

Ang mga tigum mahimong maghisgut sa mga mahinungdanon nga regional trade policies, apan ang National Organizing Council misira sa mga kalihukan sa ASEAN dinhi ngadto sa media coverage, matud ni ASEAN NOC consultant retired General Josephus Angan. 

Hinuon, mahimong kuhaag hulagway ang pag-abut ug ang pagbiya sa mga delegados ug paglabay nila sa mga kadalanan, apan walay interviews nga mahinabo. dugang sa NOC. 

Ang pagcover sa arrival ug departure events hinuon magsubay gihapon sa security protocols samtang giawhag ang mga media nga mocover sa pagsuot sa smart casual attire. (rahc/PIA-7/Bohol)

Giunhan sa DILG pinaagi ni Usec Catalino Cuy ang mga delegados sa ASEAN sa pag-anhi dinhi sa Bohol. Si Usec Cuy, caretaker sa DILG mibutyag nga iyang susihon ang seguridad nga giladlad sa mga tinugyanan. Si Usec Cuy maog nasangonan sa Peace and Order sa DILG. (rahc/PIA-7/Bohol)