Ika-tulo nga Int’l Dance Workshop

Sa Bohol manawat na’g mo-enrol

TAGBILARAN CITY, April 9 (PIA) –Gibuksan na usab ang pagpanawat sa mga buot mosalmot sa ikatulo nga International Dance Workshop dinhi sa Bohol nga mahitabo sa sunod semana, Abril 17-30.

Pinaagi sa KASING SINING, dawaton na ang mga enrolles alang sa labing prestihiyoso nga bansay sa sayaw nga gitanyag kauban sa tabang sa Provincial Government of Bohol, sa NCCA, ug sa Department of Education sa Tagbilaran ug Bohol Divisions. 

Sa ikatulong tuig, tulo ka kurso ang gibuksan ug mahimong kuhaon karong tuiga. 

Ang Advanced Dance Workshop buksan alang sa mga mitapos sa mga workshop sa unang duha ka tuig ug magtutok sa mga komplikado ug intensive dance techniques sa modern ug contemporary dance idioms, ballet, jazz, indigenous dances, yoga, ug may espesyal nga pagtutok sa dance composition ug choreography. 

Ang Basic Dance Workshop buksan usab ngadto sa mga magsugod pa lang sa sayaw ug mga choreographers nga wala pa makakuha sa bisan hain sa mga nahaunang workshops. Bisan pa, laip sa kurso ang sessions sa ballet, modern jazz, contemporary dance, yoga, indigenous dances ug theater. 

Ang ikatulong kruso mao ang Dance Workshop alang sa Kabataan, us aka kurso nga buksan alang sa 8-12 anyo ug magtutok sa creative dance ug batakang pamaagi sa ballet. 

Ang tanang workshop adto mahitabo sa Dr. Cecilio Putong National High School. 

Matud sa mga tigpasiugda, ang Advanced Workshop gikan sa alas 8:00 am ngadto sa alan 5:00 pm, ug may matrikula nga P4,000.00 matag entrante. 

Ang Basic Workshop kada ala 1:00 pm ngadto sa alas 6:00 pm u gang balayranan naa gihapon sa P4000 matag mosalmot. 

Ang Dance Workshop alang sa Kabataan magsugod matag ala 1:30 ngadto sa alas 3:30 pm ug may matrikula nga P2, 000.00 matag entrante. 

Matud sa Kasing Sining, mohatag silag kaltas sa matrikula kon grupo ang magparehistro. (rahc/PIA-7/Bohol)

Tungod sa potenysal sa turismo, nagkadaghan na ang mga Bol-anong mitan-aw sa abilidad sa pagsayaw isip kapanginabuhi-an. Ang KasingSining nanawat na usab sila sa mga entrante sa ikatulong Int’l Dance Workshop sa DPCPNHS, diin may tulo ka kurso nga mahimong apilan. (rahc/PIA-7/Bohol)