Brigada Eskwela+ buot

apson ang natala sa '16

TAGBILARAN CITY, May 22, (PIA)--Buot sa mga tinugyanan nga nagtutok sa pagpadagan sa Brigada Eskwela Plus sa Bohol nga lapasan pa niini ang natala nga kadaugang nakab-ot niadtong 2016. 

Kini bisan pa nga gitak-opan na ang lima ka adlaw nga pagboluntrayo niadtong Sabado. 

Ang Brigada Eskwela nagsugod sa nasudong paglusad niadtong Mayo 15 ug natapos sa Mayo 20, pana matud ni Division Supervsior Lope Humabc, ipadayaon pa gihapon sa DepEd ang pagpanawat sa mga moboluntaryo sanglit ang programa mokanit na usab sa tanang adlaw sa tuig. 

Gibutyag ni Department of Education (DepED) Senior Education Program Specialist Evelyn Marapao, nga nahagit sila nga lapasan pa ang 95,564 ka tawo nga miboluntaryo alang sa inisyatiba nga ilakip na ang katilingban sa pagpadagan sa programa sa edukasyon pinaagi sa Bridaga Eskwela Plus. 

Dinhi sa Bohol, diin dili pa gihapon hipno ang mga buluhaton sa pagseguro nga ang tanang mosulod sa kalse sa ting-abri, komportable na sa ilang mga pwesto, ang paghimo sa Brigada Eskwela usa na sa mga lakang nga gitumbok nga maghatag og solbad ning suliran. 

Sukad nga gisagop sa DepED ang tinuig nga programa aron ipaseguro nga may tukmang pagmentinar ang mga tunghaan, hinay na usab nga nalibre ang kagamhanan sa minilyon nga pundo nga alang sa Maintenance and Other Operating Expenses (MOOE) nga magamit na alang sa pagtukod og mga bag-ong lawak saringan. 

Karon nga mao nay gitumbok nga nagpahimo sa mga tunghaan nga andam na alang sa pagbukas sa kalse, ang Brigada Eskwela usab gitumbok nga maoy hinungdan nga nakatigum ang mga tunghaan og pundo alang sa ilang ginagmay nga mga pag-ayom-ayum sa mga tunghaan. 

Karong tuiga usab, tumong sa DepED Bohol nga kon mahatagag bili na ang mga oras nga giboluntaryo, malapasan pa sa DepEd karon ang natala sa miaging tuig. 

Sa usa ka consolidated report ng gipasa sa DepED, nabutyag nga sa 2016 nga Brigada eskwela, milabat sa P25, 587, 565 ang pundo nga natigum ug nadapat sa tanang pangpubliko nga tunghaan a Bohol, matud ni Marapao. 

Kini samtang ang DepEd mibutyag usab nga ang mga moboluntaryo kasagaran mag ginikanan, magtutudlo, empleyado, mga lokal nga kagamhanan, kahugpungan sa mga alumni ug civil nga pundok nga nagpakabana alang sa edukasyon. 

Kalihukan nga nailhan usab sa pangalan nga adopt-a school program, ang Brigada Eskwela karong tuiga misagop sa tema nga Isang DepED, Isang Pamayanan, Isang Bayanihan tungo sa handa at ligtas na paaralan. 

Dinhi gibutyag sa DePED ang pilosopiya nga nagpakita sa dakong gimbuhaton sa komunidad sa pagpakat-on sa bata ilabi na niining nia sa pangpublikong estraktura. (rahc/PIA-7/Bohol)

Makaabut kaha og 100 ka libo ka boluntaryo sa Brigada Eskwela Plus ang 2017? Kini maoy gihuptang ambisyon sa DepED aron tumbasan kon di man ugaling lapasan ang nahimo sa Bohol sa 2016. (rahc/PIA-7/Bohol)