Dul-an sa 200 ka kabatan-onan

Gutugyanan sa kabilin sa Abatan

TAGBILARAN CITY, May 23 (PIA)—Dul-an sa duha ka gatus ka kabatan-onan sa mga kalungsurang nag-ambit sa Suba sa Abatan ang mitapos sa tulo ka adlaw nga Heritage Camp nga gipahigayon sa mga nagkadaiyang dapit didto. 

Ang Youth Heritage Camp, nga giisip nga ikaduhang Bibo Bohol nahitabo 11 na ka tuig human gitak-op ang unang Bibo Bohol Heritage Camp didto sa Magsaysay Park, sa Bilar niadtong 2006

Ang Bibo Bohol 2 nagasagop sa Bokag, Bol-anong Kabilin, Atong Bahandi misubay sa unang BiBo Bohol ug nagtanyag ngadto sa mga kabatan-onan sa susamang kasinati-an sa pagkat-on kabahin sa kabilin ug kapanulondan ilabi na sa pagpanalipod niini nga daghan sa ilang mga kalungsurang nagsawo sa Abatan. 

Ang mga mitapos naga gikan sa Loon, Maribojoc, Cortes, Balilihan, Antequera, Baclayon ug Tagbilaran City, nakabenepisyo sa duh aka tuig nga programa sa National Commission for Culture and the Arts ang mipailawom sa Bahanding Bokag. 

Silang tanan gi-agak aron manukiduki sa kabahandi-anon sa kalikopan ug kabiling kapanulundan sa Abatan.

Gi-abayan sila sa ilang mga pagkat-on, pinaagi sa mamugna-on ug mapinangga-on nga pagpasayon sa bahan nga susamang naghimong malampuson sa unang Bibo Bohol, butyag ni Labad. 

Nanguna sa mga experts nga mitabang sa Youth Heritage Camp mao ang eksperto sa mga langub nga si Jungee Madronero, director sa entablado nga si Gardy Labad, tigsaysay sa kagikan sa kultura nga si Marianito Luspo, espesyalista sa kabakhawan nga si Dr. Harold Buenavida nga taga Capiz, ug mga eksperto sa kalikopan gikan sa Department of Environment and Natural resources (DENR) PENRO Bohol.

Uban sa Kasing Sining Theater Ensemble, gisuhid sa mga kabatan-onan sa pito ka lungsod ang langub sa Inambacan, suba sa Abatan ug mga espasyo sa mga kalungsuran lakip na ang Punta Cruz WatchTower Park. 

Lakip sa kalihukan ang paglibot sa bukas nga kalasangang gihimong lawak saringan sa mga kabataan sama sa kanipaan, suba, katunggan ug kabakhawan sa Abatan, butyag usab ni Charo May Apipe, facilitator sa camp. 

Ug sama sa unang Bibo, didto usab pagkat-on kabahin sa Orienteering, Pag-alsa sa tawong gitabang, Pagluwas gamit ang pisi, paghigot sa samad, pag gamit sa pisi aron ipangtagik, pagluwan sa sakayan ug kayak u gang pagpamenos sa epekto sa hulga sa katalagman.

Human sa Youth Heritage Camp, makapaabut na ang mga hamtung sa mga nahisgutang lungsod nga madugangan na ang mga tigpanalipud sa kabilin, sanglit gisangunan man ang mga mitapos sa kampo sa dugang responsibilidad subay niini. (rahc/PIA-7/Bohol)

Kabahin sa mga mitapos sa tulo ka adlaw nga Bibo Bohol Youth Heritage Camp ang mihimo sa ilang panapos nga mga pasundayag atubanagan sa mga katawhang natapok aron handumon ang Mayo isip Heritage Month. (rahc/PIA-7/Bohol)

Dungan sa dugay nang laraw nga himo-an og usa ka salida sa sine ang dula nga Dagon sa Hoyohoy, gidala sa CCP dinhi sa Bohol ang Bansay sa Acting nga mahimong maglaray sa mga sinugdanan sa lig-ong dugokan sa plano pinaagi sa paghatag sa kapasidad ngadto sa mga mo-abag aron matinuod na ang laraw. (rahc/PIA-7/Bohol)