P37 milyones nga bili sa

shabu nasakmit sa Bohol

TAGBILARAN CITY, June 5, (PIA)--Mikabat sa sobras sa P37 milyones ang bili sa gidili nga drugas nga nasakmit sa mga mga hiniusang bahan sa mga tinugyanan sa Bohol sukad sa Marso nagdto na sa mayor 25 ning tuig. 

Labing dako niini nasakmit sulod sa buwan sa Mayo, kanus-a mikabat sa P36,255,618 ang bili sa ilegal nga drugas nga shabu ang nakuha sa kapolisan nga lakip sa Drug Enforcement Teams ug nga tinugyanan sa Philippine Drug Enforcement Agency. 

Subay sa taho sa Kampo Dagohoy pinaagi sa ilang tigpamaba nga si Police Senior Inspector Vincent Paul Dumaguing, didto sa tigum sa Provincial Peace and Order Council (PPOC) sa miaging semana. 

Gitaho sa Kampo Dagohoy nga sa buwan sa Marso, mikabat sa 67 graos sa shabu ang na-ilog sa mga tinugyanan gikan sa mga badlongon. Ang 67 gramos may katumbas sa P791, 426 nga bili kon ikabaligya sa karsada. 

Mahimo nga dala sa hulga sa Abus Sayyaf ug sa ASEAN nga nahitabo sa Bohol, namenosan sa mga tinugyanan ang ilang kampanya batuk sa drugas apan bisan pa, sobra sa 30 gramos pa gihapon ang ilang nasakmit. 

Sa Abril, P411,820 ang balor sa ilegal nga drugas ang nakuha'g balik , taho ni Inspector Dumaguing. 

Tungod niini, sa katapusang tulo ka buwan, P37,458, 864 ang kinatibuk-ang bili sa 3,174 o tulo ka kilo kapin nga drugas nga nasakmit og nakuha gikan sa pagkahalin na unta sa kadalanan. 

Sa susamang lanat sa panahon, 112 ka tawo ang nadakpan sa mga tinugyanan tungod sa pagpamaligya ug pagkalambigit sa shabu samtang mikabat sa 163 ka kaso ang naduso sa mga korte sulod sa 87 ka mga operasyon. 

Sa laing bahin, gitaho sa PDEA sa nasud nga gikan sa Hulyo 1, 2017 ngadto sa Mayo 23 ning tuiga, mikabat na sa P14.68 bilyones ang nakuha sa mga tinugyanan. 

Kini maoy bili sa ilegal nga drugas ug sa mga sagol aron mahimong lutoon nga ilegal nga drugas. 

Lain nga P17.70 bilyones ang bili sa mga ekipo sa laboratoryo nga na-ilog tungod kay nagluto og drugas, matud sa PDEA. (rahc/PIA-7/Bohol)