Libre nga Advocacy forum sa 

ECC sa Metrocenter Hunyo 20

TAGBILARAN CITY, June 19, (PIA)--Usa ka Employees Compensation Commission (ECC) Program Advocacy Seminar ang ipahigayon sa Department of Labor and Employment (DOLE) dinhi sa MetroCenter Hotel, Hulyo 20, gikan sa alas 8:00 sa buntag ngadto sa alas 5:00 sa hapon. 

Ug aghat sa DOLE pinaagi ni Senior Labor and Employment Officer German Guidaben, maayo kini nga kahigayunan aron mahibaw-an sa mga Bol-anon ang mga dugang nga benepisyo nga makuha sa usa ka trabahante o empleyado kinsa nadisgrasya sa ilang trabaho. 

Segun sa balaod, automatic nga isakop dayon ang usa ka trabahante o empleyado sa Government Service Insurance System (GSIS) ug sa Social Security System (SSS) sa pribadong sector sa unang adlaw sa pagreport sa trabaho. 

Niini, gawas sa mga katabang sa balay nga kinahanglang moserbisyo una og usa ka buwan, ang ubang trabahante kapanalipdan na sa sistemang insurance sa GSIS og SSS, ilabi na sa disgrasya, sakit ug kamatayon samtang nagtrabaho. 

Ug kon ang SSS ug GSIS andam nga mohatag sa compensation alang sa trabahanteng nagkinahanglan og abag sa panahon nga dili makatrabaho tungod kay nasakit, o may kabilinggan dala sa disgrasya, may gihayon usab nga ang giduso nga reklamo sa pagpatabang, balibaran sa GSIS o SSS. 

Niini, motabang ag ECC, pasalig ni Atty Jonathan Villasoto, atul sa Press Conference nga nahitabo Lunes Hunyo 19 didto sa MetroCenter. 

Niini, giangkon usab sa DOLE Bohol nga dili sila kaayo suheto sa ECC ug makaayo nga tambongan sa mga Bol-anon nga trabahante ang nahisgutang forum. 

Ning higayona, mas masayud kita kon unsa ang ECC ug unsay ilang ikaabag sa trabahante nga nabiktima sa aksidente, ug mismo ang hugpong sa ECC nga gikan sa Manila ang magpasabut. 

Gipadayag na ni Atty Villasoto nga tumong nila nga ipakatap ang kasayuran kabahin sa benepisyo nga angay madawat sa tabahante nga madisgrasya samtang nagbuhat sa ilang trabaho. 

Kini nga benepisyo, lahi pa sa benepisyo nga ihatag sa GSIS og SSS tungod kay kadtong mga benepisyoha'ng nakuha, gipundohan man, pasabot ni Villasoto. 

Ang ikahatag sa ECCkadtong benepisyo nga gipundohan sa employer dungans a ilang paghatag sa binuwan nga hulogan, matud sa ECC. 

Aron masayud sa mga pamaagi sa ECC, matud ni Guidaben, tambong na sa advocacy forum. (rahc/PIA-7/Bohol)

Aghat sa DOLE Bohol, dili palabyon ang higayon nga sayran ang mga benepisyo sa mga trabahante nga nadisgrasya sa trabaho. May ECC Advocacy forum Hunyo 20 ug buot sa DOLE nga tambongan kini sa mga hingtungdang may kalambigitan sa pangempleyo. (rahc/PIA-7/Bohol)