Lider sa "UP Singing Ambassadors"

gipasidunggan isip "Anak sa Bohol"

TAGBILARAN CITY, June 16, (PIA)--Gitunolan ang lider og conductor sa University of the Philippines Singing Ambassadors (UPSA) sa dungog isip honorary nga anak sa Bohol, atul sa ika 119 nga paghandum sa Bohol sa Adlaw sa Kaugalingnan. 

Pinaagi sa Sangguniang Panlalawigan Resolution 2017-391, gideklara si Professor ug Director Ed Manguiat nga honorary nga Anaks sa Bohol tugbang sa iyang di matimbang nga tabang nagdto sa Bohol, iyang nakab-ut nga dungog sa natad sa Musika ug sa iyang aktibong pagpakiglambigit sa katilingban nga nakahatag og garbo sa Bohol ug sa iyang katawhan. 

Gawas nga maoy direktor ug konduktor sa UPSA, si Manguiat usab maoy usa sa mga artistic directors sa Loboc Children's Choir, ug nakahatag nag kapid-an ka workshops aron giyahan ang mga gagmay nga pundok pang koro sa Bohol. 

Si Manguiat usab misilbi isip artistic director ug sakop sa international jury sa nanglabay na nga Bohol International choir Festival ug kompetisyon, nag dala sa UPSA nganhi sa Bohola ron mokanta og magduso sa pa-uso nga choral music , gawas pa nga iyang gipaneguro nga ang Bohol maoy benepisaryo kanunay sa outreach program sa bahan sa UP.

tungod sa pagpanguna ni Manguiat,ang UPSA giila na nga labing unang Pinoy ug Asyano nga koro nga midaug sa Grand prize sa sikat kaayo nga Guido d Arezzo choral competitions sa Italya ug nakatigum alang sa nasud sa 5 ka garnd prize ug 23 ka labing unang pwesto nga posisyon sa mga nagkadaiyang bangga sa choir nga ilang gisalmutan. 

Mismo si Gobernador Edgar Chatto ang mipadayag sa iyang tumong nga tanyagan sa pasidungog si Manguiat pinaagi sa suwat niini sa Sanggunainag panlalawigan penetsahan Hunyo 6, 2017, butyag sa resolusyon. 

Sa susamang kasaulogan, si Manguiat kauban sa UPSA mihimo na usa ka mubo nga konsyerto awit ang mga pisa nga makapukaw sa pagmahal sa nasud atubangan sa bantayog sa nasudnong bayani, ug sa mga bol-anong naghandum sa makasaysayong higayon. 

Ang UPSA mihimo usab sa usa ka konsyerto didto sa Bohol Cultural Center niadtong Hunyo 12. (rahc/PIA-7/Bohol) 

Gitunol nila ni Gob Edgar Chatto ug Bise Gob Dionisio Balite ang plake ngadto kay Director Ed Manguiat sa UPSA samtang misaksi sila Kong Rene Relampagos, Art Yap ug mga Bokal sa lalawigan sa Bohol. (PIABohol)