Listahan sa 2018 holidays,

gipagawas na sa Malakanyang

MANILA, July 19--May siyam nga long weekends ang mapaabot sa sunod tuig, base sa gi-anunsiyong holidays sa Malakanyang alang sa tuig 2018.

Base sa Proclamation Number 269, gi-deklarar na ang mga regular ug special non-working holidays alang sa sunod tuig.

Gawas sa mga tinuig nang regular ug non-working days, nagdugang pa og duha ka holidays ang Malakanyang – ang Nobyembre 2 nga natunong sa adlaw nga Biyernes ug Disyembre 24 nga natunong sa adlaw nga Lunes.

Nia ang listahan sa mga holidays:

Regular Holidays:

New Year’s Day – Enero 1 (Lunes)

Maundy Thursday – Marso 29

Good Friday – Marso 30

Araw ng Kagitingan – Abril 9 (Lunes)

Labor Day – Mayo 1 (Martes)

Independence Day – Hunyo 12 (Martes)

National Heroes Day – Agosto 27 (Katapusang Lunes sa Agosto)

Bonifacio Day – Nobyembre 30 (Biyernes)

Christmas Day – Disyembre 25 (Martes)

Rizal Day – Disyembre 30 (Domingo)

Special non-working days:

Chinese New Year – Pebrero 16 (Biyernes)

EDSA People Power Revolution Anniversary – Pebrero 25 (Domingo)

Black Saturday – Marso 31

Ninoy Aquino Day – Agosto 21 (Martes)

All Saints Day – Nobyembre 1 (Huwebes)

Last Day of the Year – Disyembre 31 (Lunes)

Additional special non-working days:

Nobyembre 2 – Biyernes

Disyembre 24 – Lunes

Samtang ang holiday alang sa Eidul Fitr ug Eidul Adha ideklarar base sa Islamic calendar. (ecb/PIA7-Bohol)

================

Larawan ni Duterte sa mga buhatan sa gobyerno, 

eskwelahan alisdan og mga larawan sa bayani

MANILA, July 19--Gimando kagahapon ni Presidente Rodrigo Roa Duterte nga alisdan ang iyang larawan sa mga buhatan sa gobyerno ug mga tunghaan sa nasod og larawan sa mga bayani.

Matud pa ni Duterte, magpagawas siya og direktiba aron mas mabalandra ang larawan ug mahatagan og importansiya ang mga tinuod nga bayani sa Pilipinas.

Gidugang usab sa Presidente nga mas maayo pang ibutang ang larawan sa mga politiko o mga kanhi nahimong Presidente sulod sa ilang mga panimalay.

Kalabot niini, subling gihatagan og kamahinungdanon ni Duterte ang kaisog ni Lapu-Lapu.

“By the way, I do not know if I am doing it right. Kasi kaming mga Bisaya, wala kaming hero. Sabagay ako, idol ko si Rizal, Gregorio del Pilar. Pero wala kaming hero sa Bisaya. Ang hero namin, ang unang pumatay talaga ng imperyalista, si Lapu-Lapu.”

Giingong isip pagtahod sa bayani sa mga Bisaya, magmugna si Duterte og Order of Lapu-Lapu nga ihatag nga pasidungog sa mga isug ug angayang indibidwal. (ecb/PIA7-Bohol)