National ID, ipadayon sa 

administrasyong Duterte

MANILA, July 24--Ipadayon na sa gobyerno ang national identification system nga tuyong mapadali ang pakig-transaksiyon ug serbisyo sa gobyerno.

Sa gidusong proposed 2018 national budget sa Malakanyang, naggahin si Presidente Rodrigo Duterte og P2-bilyon sa Philippine Statistics Authority (PSA) aron masugdan ang biometrics ID system.

Sa gipabating mensahe sa budget ni Presidente Rodrigo Duterte sa Kongreso, miingon kining mahimong magamit ang maong ID alang sa aplikasyon sa passport, driver’s license ug pakig-transaksiyon sa SSS, Pag-IBIG, PhilHealth ug NBI.

Nanghinaot usab ang Presidente nga makatabang ang pagbaton og national ID aron masiguro nga mga tinuod nga mga benepisyaryo sa conditional cash transfer program sa gobyerno ang makapahimos niini. (ecb/PIA7-Bohol)