Tax-free balikbayan box policy, 

ipatuman na sa Agosto 

MANILA, July 27--Ipatuman na sa umaabot nga buwan sa Agosto ang tax-free balikbayan box policy.

Sa maong polisiya, mahimo nang magpadala ang mga Overseas Filipino Workers (OFWs) sa ilang mga kapamilya og hangtod tulo ka shipments nga dili na kinahanglan pang mobayad og dugang alang sa taxes ug duties.

Matud pa ni Customs Commissioner Nicanor Faeldon, sa tinguha sa gobyerno nga mapatuman ang ingon niining polisiya mao nga nakatakda nang ipatuman ang tax-free balikbayan box bisan gipaabot na sa Bureau of Customs (BOC) nga mahimong mawad-an sila og P75 bilyon sa annual revenues.

Mahimo kining ma-avail sa mga “qualified Filipinos while abroad” diin ma-exempt lamang sila sa mga extra taxes ug duties alang sa tulo ka shipments kun ang value sa ipadala dili molapas og P150,000.

Base sa Customs Administrative Order 05-2016 “ang mga qualified Filipinos” mao kadtong mga adunay valid passport, non-resident Filipinos nga nakapag-establish og permanent residency sa abroad apan napabilin ang ilang Filipino citizenship ug ang mga resident Filipino nga temporaryo sa abroad sama na lamang sa nagkupot og student visa, investors’ visa, tourist visa, ug susama nga visa.

Samtang ang mga interesadong migrant workers usab may mga requirement ug documents nga angay ipasa nga mahimong makita sa website sa BOC. (ecb/PIA7-Bohol)