P3.767-T proposed budget sa 

2018, aprubado na ni Duterte

MANILA, July 5--Aprubado na ni Presidente Rodrigo Duterte ang balaodnon nga nasudnong pondo alang sa sunod tuig.

Matud pa ni Department of Budget (DBM) Kalihim Benjamin Diokno, gi-aprobahan sa Presidente ang P3.767 trilyong national budget sa cabinet meeting niadtong Lunes, Hulyo 3.

Dugang pa ni Diokno nga gihipno na lamang ang 2018 national budget aron iduso kang Presidente Duterte sa mismong adlaw sa iyang ikaduhang State of the Nation Address (SONA) sa Hulyo 24.

Sa gipahigayong briefing sa Malakanyang kagahapon, miingon si Presidential Spokesperson Ernesto Abella nga ang Department of Education (DepEd) ang kinadak-an og alokasyon alang sa sunod tuig.

Ang uban pang ahensiya nga may dagkong parte sa balaodnon nga nasudnong pondo mao ang Department of Public Works and Highways (DPWH); Department of Interior and Local Government (DILG); Department of Health (DOH); Department of Social Welfare and Development (DSWD); Department of Agriculture (DA); Department of Environment and Natural Resources (DENR); ug Autonomous Region in Muslim Mindanao (ARMM).

Gipaabot nga isumiter sa Kongreso ang 2018 proposed national budget diin gipaabot usab nga susihon kini og maayo sa mga magbabalaod sa dili pa padayong aprobahan. (ecb/PIA7-Bohol)