PWD-friendly corporations, 

hatagan og tax incentives

TAGBILARAN CITY, July 7--Makadawat og tax incentives ang mga pribadong kumpanya nga modawat og persons with disabilities (PWD) isip empleyado.

Matud pa sa Bureau of Internal Revenue (BIR), ubos sa implementing rules and regulations (IRR) sa Republic Act 1054, ang mga pribadong kumpanya nga modawat og PWD's isip regular nga empleyado mahimong makadawat og gross income deduction nga kapareho sa 25 porsiyento sa kinatibuk-ang ginabayad niini sa mga empleyado nilang PWD's.

Tuyo sa RA 10524 nga hatagan og patas nga opurtunidad ang mga PWD's sa trabaho.

Sa dili pa makuha ang insentibo, kinahanglang magpakita og kamatuoran nga sertipikado sa Department of Labor and Employment (DOLE) ang mga kumpanya ug accredited usab ang ilang mga PWD employees kalabot sa ilang disability ug qualifications. 

Gawas sa income deduction, makadawat pa og dugang insentibo ang mga pribadong korporasyon nga gihimong PWD-friendly ang ilang mga pasilidad. 

Giingong kinahanglan usab nga mag-reserve ang mga pribadong korporasyon og usa ka porsiyento sa ilang posisyon alang sa mga PWD apil na usab sa mga ahensiya sa gobyerno. (ecb/PIA7-Bohol)