Syudad mopalit 5 ka gen sets 

pagpadagan sa iyang panubig

TAGBILARAN CITY, July 3, (PIA)--Magdugang pa og palit og lima ka generator ang syudad sa Tagbilaran aron may magamit pagppadagan sa mga pumping units sa panubig niini. 

Kini maoy gibutyag ni City Mayor John Geesnell Yap atul sa hiniusang tigum sa City Peace and Order Council, City Anti Drug Abuse Council ug City Disaster and Risk Reduction management Council didto sa Jjs Seafoods Village Hulyo 10 sa palis. 

Hayan sa sunod nga mga semana, naa na ang generator sets og makasalig na unya ang mga taga syudad sa serbisyo sa tubig bisan pag may power interruptions sa mga feeders nga nagpadagan sa pumping units. 

Ang pagpadayag sa pagpalit og dugang generator sets gilauman'g makahatag og dyutay nga alibyo sa mga taga Tagbilaran, kinsa nag-antus pa gihapon sa nirasyon nga koryente human napawngan ang Bohol sa supply dihang apektado sa linud ang gisaligang geothermal plants sa Leyte. 

Daghan na ang mipadayag kang Mayor Yap nga dili na lang balihon ang way suga, basta lang naay tubig. 

Tungod niini, sa usa ka emergency meeting sa City Disaster and Risk Reduction and Management Council (CDRRMC) sa miaging semana, gihukman sa konseho ang pagpamalit og mga generator sets nga gamiton sa pagpadagan sa serbisyo sa panubig sa syudad. 

Didto, matud ni CDRRMC Officer Gerard Labadia, nahukman nga ireallignang budget sa CDRRMC aron magamit sa pagpalit sa 5 ka generator sets aron makapaandar sa mga pumping units. 

Sa ka daku usab sa panginahanglan sa koryente kon iapil ang kabalayan, dili na mahimo nga generator sets pa ang gamiton. 

Gani, matud ni Mayor Yap, daghan na ang nangutana nganong dili mopalit ang syudad sa generator sets nga naa sa mga hardware. 

Niini, gipasabut sa batan-on nga mayor nga dili ikasarang ang gahum sa mga gagmay nga generator kon mao kini paliton. 

Gani, gidayen na usab ang panglantaw sa mayor sa paghatag og solbad bisan pa nga wala pa moabut ang problema. 

Niadtong Hulyo 1 atul sa City Charter Day, gisubhan ang duha ka bag-ong mga epiko sa panubig: usa ka 17,000 litros nga water tanker water pumper, lakip na ang sakyanan sa mga bombero. 

Wala ra usab mahibaw i nga kini karon may dakung ikatabang sa nasinati nga kakuwang sa tubig tungod sa pagkapalta sa koryente nga mopaandar sa mga water pumping units. 

Kapin na sa 30 ka byahe sa tanker ug pumper sa syudad ang nahimo aron paghatud og tubig sa mga distrito niini samtang mitaho usab ang City Bureau of Fire Protection nga miabag usab sila sa paghatud og tubig nga magamit sa katawhan. (rahc/PIA-7/Bohol)

Agwantahong walay suga basta naay tubig. Tungod niini, mopalit ang syudad sa tagbilaran sa 5 ka generator sets aron makapaandar sa mga pumping units ug makapaagas sa tubig nga labing gikinahanglan sa katawhan, matud ni Mayor John Geesnell Yap atul sa joint meetings sa CPOC, CADAC ug CDRRMC sa Jjs Hulyo 10. (rahc/PIA-7/Bohol)