Bag-ong LPA, nasigpatan

duol sa E. Visayas

TAGBILARAN CITY, August 24 (PIA)--Usa ka Low Pressure Area (LPA) ang gibantayan karon sa Philippine Atmospheric, Geophysical and Astronomical Service Administration (PAGASA) sa sulod sa nasod.

Padayon ang pagduol sa nasod sa maong LPA sa Eastern Visayas.

Matud pa sa taho sa Pagasa, katapusang nasigpatan ang naumol nga dili maayong panahon sa gilay-ong 670 km amihanang sidlakan sa Borongan, Eastern Samar.

Sa pagkakaron, giingong gamay ang posibilidad niini aron mahimong bag-ong bagyo.

Apan matud pa sa Pagasa nga posible pa gihapon kining mosimang ug magpakusog sa nasinati nato karon nga habagat.

Hinganlan og ‘Jolina’ ang maong LPA kun mahimo kining bagyo samtang naa sa sulod sa Philippine Area of Responsibility (PAR).

Samtang, apektado karon sa hanging habagat ang western section sa Luzon. (ecb/PIA7-Bohol)