Bidding sa P16M City Jail 

pakyas, buksan pag-usab

TAGBILARAN CITY, August 1, (PIA)--Solbad na unta ang suliran sa ka huot sa City Jail kon nadayon pa ang pagbidding alangs a bag-o na unta nga upat ka andana ng karsel. 

Apan, matud sa warden sa City Jail nga si Jail Senior inspector Mark Anthony Omega, pakyas ang unang gipublikar nga public bidding alang sa P16 milyones nga bag-ong building. 

Una na nga gipadayag ni Inspector Omega nga ang karaang mga prisohan sa City Jail, igo lamang sa 30 ka bilanggo. 

Naghatag na usab ang syudad sa Tagbilaran pinaagi sa iyang mga opisyales sa luna nga katukoran unya sa bag-ong gambalay. 

Lakip sa mga kasabutan sa BJMP ug sa lokal nga mga kagamhanan ang mga tinugyanan sa BJMP magtunol laman sa pundo ngadto sa mga kalungsuran nga may napahat na nga luna ag o ilang bahinan sa pagpaugmad sa mga prisohan. 

Pagka-karon, dul-an na sa 400 ka bilanggo ang ilang gipangpaslak didto, nga gani, magturnohay nay katug tungod sa kakuwang sa higdaanan, segun pa sa tinubdan gikan sa City jail. 

Kasamtangan nga 353 ka bilanggo ang lalaki, matud ni Inspector Omega samtang 26 usab ang babaye nga kasamtangang natanggong pagpaabut sa desisyon sa korte sa ilang mga salaud.

Sa sobra nga pagkapuno sa karsel sa syudad, mikabat na, matud pa sa upat ka andana ang mga higdaanan, ug may mga duyan nang gipangkabud aron katulgan. 

Sa panahon sa adlawan, ipagawas usab ang mga priso sa mga selda ug adto tapokon sa mga socialization areas aron makaginhawa sa tumang kahuot sa mga karsel, butyag ni Omega. 

Niining sitwasyonan, matud sa Bureau of Jail Management and penology, dili tiaw ang ilang kalisud ilabi na sa posibilidad nga makatakud na hinuon ang mga kriminal nagdto sa uban. 

Hangtud nga dili pa kahatagag solbad ang paghuot sa mga priso sa bilangguan, padayong magkalisud ang BJMP sa pagpatuman sa mga repormang ilang gilatid alang sa mga priso. (rahc/PIA-7/Bohol)