Passport validity, 10 years na 

TAGBILARAN CITY, Aug. 3--Gilagdaan na ni Presidente Rodrigo Duterte ang Republic Act 10928 o ang balaod nga nag-uswag sa validity sa Philippine passport.

Ubos sa maong balaod, gi-uswag na ang validity sa passport gikan sa lima ka tuig ngadto na sa napulo ka tuig.

Amyendahan usab sa balaod ang Section 10 sa Republic Act 8239 o ang Passport Act of 1996.

Nakalatid ubos sa Section 10 nga ang usa ka indibidwal nga may edad 18 anyos paubos mahimong magbaton og passport nga may lima ka tuig nga validity period.

Magsugod sa pagpatuman kining balaod human ang 15 ka adlaw gikan sa publikasyon niini sa Official Gazette o sa mga pahayagan. (ecb/PIA7-Bohol)