Validity sa drivers’ license, 5 years na

TAGBILARAN CITY, Aug. 3--Gilagdaan na ni Presidente Rodrigo Duterte ang Republic Act No. 4136 nga nag-amyenda sa Land Transportation and Traffic Code nga nagpataas sa validity period sa mga lisensya.

Nakalatid sa bag-ong balaod nga lima ka tuig na ang validity sa drivers’ license gawas na lang kun bawion o di kaha, suspindehon kini.

Apan wala naapil sa na-extend ang mga student permits.

Alang sa mga professional ug non-professional drivers nga walay paglapas sa balaod trapiko sulod sa lima ka tuig, mahimo nilang ipa-renew ang ilang lisensya og taman napulo ka tuig ubos sa restrictions sa Land Transportation Office (LTO).

Samtang mas hugtan na usab kining balaod tungod kay matangtang sa serbisyo ang bisan kinsang opisyal nga mohatag og drivers’ license sa dili kwalipikadong aplikante. (ecb/PIA7-Bohol)