Libreng internet sa mga pampub-

likong lugar, gilagdaan na ni Duterte

TAGBILARAN CITY, Aug. 3--Gilagdaan na kagahapon ni Presidente Rodrigo Duterte ang balaodnong himuong libre ang internet sa mga pampublikong lugar.

Ang Republic Act 10929 pagatawgon nga Free Internet Access in Public Places Act.

Ubos niining balaod, nakalatid nga tugotan ang pagbutang og libreng internet access sa mga mosunod nga lugar: mga opisina sa national ug local government; public basic education institutions; state universities and colleges; technology institutions; mga pampublikong ospital, health centers ug rural health units; mga pampublikong parke o suroyanan, plazas, libraries ug mga reading centers sa barangay; mga pampublikong tugpahanan ug pantalan; ug public transport terminals.

Apan gi-bawal sa balaod ang pag-abli sa mga pornographic websites.

Ang minimum internet speed alang sa matag user 2 megabits per second, o kun unsa man ang isugyot sa National Broadband Plan.

Pangunahan sa Department of Infortmation and Communications Technology (DICT) ang implementasyon niining bag-ong balaod. (ecb/PIA7-Bohol)