Ceremonial landmark lighting sa ASEAN

lantern, gipahigayon sa Panglao

PANGLAO, Aug. 9 (PIA)--Gawas sa kaulohan, nipahigayon usab og mga kalihokan sa nagkalain-laing lugar sa nasod kalabot sa pagsaulog sa ika-50 nga anibersaryo sa Association of Southeast Asian Nation (ASEAN).

Dinhi sa lalawigan sa Bohol, gipahigayon ang ceremonial landmark lighting sa ASEAN lantern sa atubangan mismo sa Paglao watchtower sa plaza sa maong lungsod.

Ang mga Bol-anon sa Panglao niapil sa 76 ka uban pang syudad ug munisipyo sa nasod alang sa dungan nga pagpasuga sa commemorative nga parol agi og pagsaulog sa ika-50 nga anibersaryo sa ASEAN nga may temang "Under One Light, We are One ASEAN." 

Gipangunahan ang pagpasiga sa ASEAN nga parol ni Gob. Edgar Chatto ug Mayor Leonila Montero kauban ang mga lokal nga opisyal sa Panglao pagtunong sa alas 7 sa gabii niadtong Agosto 8. 

Nihatag og pasundayag sa maong kalihokan ang garbo sa lungsod sa Panglao nga Flow Extreme, Panglaoanon Performing Arts Ensemble, Mae Ann Mejia, ug ang sikat nga Loboc Youth Ambassador band. 

Ang ASEAN parol nga 6ft. x 6ft. ang sukod hinimo lamang dinhi base sa desinyo nga gihatag sa National Commission for Culture and the Arts (NCCA). (ecb/PIA7-Bohol)

Ang ceremonial landmark lighting sa ASEAN lantern nga gipahigayon sa Panglao Plaza atubangan sa Panglao watchtower niadtong Agosto 8. (ecb/PIA7-Bohol)