‘EskweLA BAN Sa Sigarilyo’,

gilusad sa DepEd

TAGBILARAN CITY, Aug. 2--Gilusad kagahapon sa Department of Education (DepEd) ang programang ‘EskweLA BAN’ sa Sigarilyo.

Matud pa ni DepEd undersecretary for legal affairs Alberto Muyot, hugot kining ipatuman sa mga tunghaan sa tibuok nasod diin ubos niining programa, gi-bawal na sa buhatan ang pagpaninda og sigarilyo sa palibot sa mga tunghaan.

Tumong niining proyekto nga madugangan ang kahibalo sa publiko ilabi na sa mga estudyante kalabot sa DepEd Order No. 48 Series of 2016 o ang Police and Guidelines on Comprehensive Tabaco Control.

Base sa maong ordinansa, hingpit nga gidili ang pagpanigarilyo sulod ug palibot sa mga eskwelahan; bawal ang pagpamaligya og sigarilyo sa palibot sa mga eskwelahan hangtod 100 meter radius; ug bawal ang pagkuha og sponsorship sa mga kumpanya og segarilyo sa bisan unsang mga programa sa eskwelahan.

“We see this project aligned with the government’s intensified campaign against smoking, as demonstrated in the recent issuance of the Executive Order (EO) No. 26,” matud pa ni Muyot.

Sa masakpang molapas niining kamanduan, mahimo silang tangtangan og lisensya sa local government unit (LGU) ug pasakaan og kaso. (ecb/PIA7-Bohol)