Malakanyang, misaad nga mas hingosgan pa sa 

gobyerno ang kampanya batok sa ilegal nga droga

MANILA, July 31--Misaad ang administrasyong Duterte nga mas hingosgan pa sa gobyerno ang kampanya batok sa ilegal nga droga.

Kini ang gipahayag sa Malakanyang human sa gipahigayong drug raid sa Philippine National Police (PNP) sa panimalay sa mga Parojinog nga niresulta sa pagkaaresto ni Ozamis Bise Mayor Nova Princess Parojinog-Echavez.

Matud pa sa Malakanyang, kahinumdoman nga ang mga Parojinog nalakip sa drug list ni Presidente Rodrigo Duterte.

Sa pinakaulahing talaan, dili moubos sa 12 ang napatay sa nahitabong drug raid.

Usa sa mga napatay si Mayor Reynaldo “Aldong” Parojinog, ang iyang asawa nga si Susan, iyang igsuon, usa ka JR, mga miyembro sa Barangay Peacekeeping Action Team ug mga miyembro sa Civic Volunteer Organization.

Nahibaw-an nga magduso unta og unom ka search warrant ang polisya gikan sa lungsod kauban ang Misamis Occidental Police Provincial Office ug Criminal Investigation and Detection Group (CIDG) sa dihang nagka-engkwentro. (ecb/PIA7-Bohol)