Publiko gipa-amping sa 

DOH batok sa cholera

TAGBILARAN CITY, Aug. 01--Gipa-amping sa Department of Health (DOH) ang publiko batok sa cholera nga usa sa mga sakit nga kasagarang makuha sa panahon sa ting-ulan.

Base sa gipagawas nga abiso sa DOH, ang cholera makuha sa mga pagkaon ug pag-inom og tubig nga kontaminado sa mikrobiyong vibrio cholerae.

Tambag pa sa DOH, aron makalikay sa cholera, maayong pabokalan ang imnon nga tubig, hugasan ug lutuon og maayo ang pagkaon, batasanon ang paghugas sa mga kamot ug ipabiling limpyo ang palibot.

Magpakonsulta dayon sa mga doktor kun makasinati og pagkalibanga, pagsuka ug grabeng dehydration.

Una nang gipa-amping sa DOH ang publiko batok sa sakit nga leptospirosis nga makuha usab sa panahon sa ting-ulan. (ecb/PIA7-Bohol)