PNP, nipasidaan sa mas daghan 

pang 'One time, Big time ops'

TAGBILARAN CITY, Aug. 18 (PIA)--Nipasidaan ang Philippine National Police (PNP) nga magpadayon pa ang pagpahigayon og mga 'One time, Big time' operation nga ilang ipahigayon batok sa ilegal nga droga.

Kini bisan pa sa mga pagsaway nga giatubang sa nasudnong polisya tungod sa daghang namatay sa mga nilabay nilang mga operasyon.

Matud pa ni PNP deputy chief for administration Dir. Gen. Ramon Apolinario, paabuton na ang mas gihingosgan nga anti-illegal drug operations gikan sa nagkalain-laing buhatan sa polisya sa tibuok nasod.

Taliwala niini, gitataw ni Apolinario nga lehitimo pa gihapon ang tanan sa ilang mga operasyon ug giingong mas nabantayan lang ang numero sa mga namatay karon tungod kay dungan nila kining gipahigayon. 

Kagabie lang, usa sa pangalan nga nalakip sa listahan sa Bohol Provincial Police Office (BPPO) drug watch list ang nasikop sa kapolisan sa Barangay Cabawan ning syudad sa Tagbilaran nga nagtipig og 80 gramos nga shabu nga may street value nga P993,000. (ecb/PIA7-Bohol)