Crime Prevention Week

gilusad karong semanaha

TAGBILARAN CITY, Sept. 5 (PIA)--Gilusad ang National Crime Prevention Week dinhi sa dakbayan sa Tagbilaran kinsa nakig tali usab sa kagamhanan alang sa kasaulogan.

Gipahigayon ang parada sa Philippine National Police (PNP) Tagbilaran City niadtong ni-aging Agusto 30, 2017, isip paglusad sa kalihokan sa mga kapolisan. 

Miduyog niining kasaulogan ang gipahigayong symposium sa mga barangay sa Poblacion 3, Manga ug Taloto.

Matud pa ni Insp Rosemarie Avenido sa Tagbilaran City PNP, daghang kalihokan ang kapolisan ning dakbayan aron masigurado nga mokunhod ang kriminalidad sa syudad.

Nagpahigayon usab og tigum ang Bohol Anti-Drug Abuse Campaign aron makuhaan ang mga nahilambigit sa ginadiling droga dungan sa paglusad ning semanaha isip pag- pugong sa kriminalidad.

Gi-apil usab sa laraw sa kapolisan ang sustainability of beat patrol alang sa peace and order alang sa police visibility ug pagapud-apod og flyers aron masigurado sa katilingban nga luwas sila sa kamot sa mga kapolisan sa dakbayan sa Tagbilaran. (rro/PIA-7intern/Bohol)

=================

Social Pension payout sa kabos

nga senior citizens, gipang apud-apod

TAGBILARAN CITY, Sept. 5 (PIA)--Adunay 1,764 ka mga benepisyaryo sa syudad sa Tagbilaran.

Kini matud pa sa Officer-in-charge sa City Social Welfare and Development nga si Dr. Teresita Villafuerte.

Matud pa ni Villafuerte nga nagsugod na sa pagpanghatag sa ikaduhang kwarter sa social payout sa mga kabos nga mga senior citizens diin mahatagan sila og P1,500 sukad pa niadtong Agosto 29 ug matapos karong Setyembre 8 2017.

Gihimo ang pangpang-apud-apod sa matag barangay ning syudad aron dili magka- gubot tungod sa kadaghan nga mga nag benepisyaryo niini ug aron walay disgrasya nga mahitabo.

Gi-awhag ang tanan nga mga indigent senior citizens sa pagtawag sa Tagbilaran City hotline sa 411-2222 alang sa mga pangutana kabahin sa schedule. (rro/PIA-7intern/Bohol)