Family Income and Expenditures Survey

PSA nanginahangla'g

28 field enumerators

TAGBILARAN CITY, Bohol, September 26 (PIA)--Nanginahanglan ang Philippine Statistics Authority og 28 ka field enumerators alang sa usa ka round sa survey, segun pa sa opisyal nga pahibalo gikan sa ahensya. 

Kini dungan sa pagpadagan na usab sa Family Income and Expenditure Survey (FIES) nga himoon sa dili madugay. 

Tungod niini, mahimong mang-apply ang mga gradwado sa kolehiyo, may igong kasinati-an sa pag-gamit sa mga digital devices sama sa computer tablet, smartphone o laptop, mosugot nga i-assign sa hain mang dapit sa Bohol, dili sakiton, maayo mamustora og may maayog pamatasan. 

Mas maayo kon may kasinati-an na sa field work, segun pa sa PSA pinaagi sa pahibaw ni Jessamyn Anne Alcazaren, Provincial Statistics Officer. 

Kadtong interesado sa maong nahisgutang posisyon, kinahanglan lamang moduso sa application letter, personal data sheet o resume nga may labing bag-ong personal nga ID o hulagway, Transcript of Records o Certification sa grado ug kon aduna na, Certificate of Work Experience. 

Matud sa PSA, kinahanglang iduso ang application sa dili pa molapas sa October 3, 2017, ug ipasa ngadto sa Bohol PSA pinaagi ni Jessamyn Anne Alcazaren, Provincial Statistics officer, 3rd Floor, Galeria Luisa, Gallares St, Tagbilaran City. 

Sa Oktubre 4, sugdan dayon ang interview, segun sa PSA. (rahc/PIA-7/Bohol)

Iduso ang application dinhi, ang buhatan sa PSA sa ika tulong andana sa Galeria Luisa, sa Gallares Street sa Oktubre 3 o sayo pa niini, tungod kay magsugod na og interview sa Octubre 4, matud sa PSA. (rahc/PIA-7/Bohol)