Napulo ka lalawigan sa Luzon 

gipa-andam batok ni 'Odette'

TAGBILARAN CITY, Bohol October 12 (PIA) --Giisa na sa napulo ka lalawigan sa Luzon ang Tropical Cyclone Weather System (TCWS) Signal Number 1 aron makapangandam ang mga komunidad sa nagsingabut sa kamad-an nga bagyong si #OdettePH.

Sa ilang Severe Weather Bulletin Number 4 nga gipagawas sa Philippine Atmospheric Geophysical and Astronomical Services Administration (PAG-ASA) ganinang alas 11 sa buntag, alang sa nagpadayong bagyo, giisa ang storm signal sa Batanes, Cagayan lakip ang Babuyan group of Islands, Isabela, Apayao, Abra, Kalinga, Mountain Province, Ifugao, Ilocos Norte ug Ilocos Sur.

Kini samtang nipahimangno na ang state weather bureau batok sa kasagaran nagdto na sa kusog nga bunok sa uwan sulod sa 350 kilometros nga napandungan sa bagyo.

Segun sa PAG-ASA, mahimong mas mokusog pa si TD "Odette" nagdto na sa kapin sa 65 kilometros matag oras nga hangin sa dili pa kini motikang sa yuta ibabaw sa lalawigan sa Cagayan karong gabii.

Kini usab samtang padayong gitutokan sa mga tigbantay sa panahon si #OdettePH nga nagtigum og kusog samtang nagtadlas sa kadagatan sa Philippine Sea sa rumbo nga pakasadpan.

Ganinang alas 10:00 AM sa buntag, ang sentro sa Tropical Depression nga si #OdettePH gibanabana nga subay sa mga kahimanan nga naa sa 540 km kasubangan sa (East of) Tuguegarao City, Cagayan (17.9°N, 126.8°E).

Naa pa gihapon ang iyang gikusgong hanging dala sa 55 kph duol sa sentro ug kalit nga huros nga naa sa 65 kph

Gitagana nga mopadayon ang pagtamak sa bagyo sa kadagatan paingon sa kasadpan sa gikusgong 30 kph

Mahimong magdala ang hangin ni #OdettePH sa dagkong bawod nga moabut sa 1.25 nagdto sa 4.0 metros ang katas-on sa lawod maong delikado pa gihapon ang pagpanagat didtong dapita sa Luzon. (rahc/PIA-7