SEC, nipasidaan sa publiko 

batok sa pamuhonan sa Pluggle

TAGBILARAN CITY, Oct. 13 (PIA)--Ang Securities and Exchange Commission (SEC) nipasidaan sa publiko batok sa pamuhonan sa Pluggle Incorporated, usa ka online advertising website nga giingong dili awtorisado nga mag-solicit og investments.

Matud pa sa gipagawas nga SEC advisory kagahapon, Oktubre 12 nga bisan ang Pluggle rehistrado sa komisyo, dili kini awtorisado sa pag-solicit og investments gikan sa publiko tungod kay wala pa kini nakakuha sa gikinahanglang lisensiya o permit.

Gidugang pa sa maong SEC advisory nga ang mga brokers, dealers, ug salesmen sa Pluggle nga manghaylo og mga tawo sa pagbutang og salapi sa ilang scheme mahimong pasakaan og kaso ug mag-atubang og maximum nga multa nga P5 milyon o 21 ka tuig nga pagkabilanggo, ubos sa Section 28 sa Securities Regulation Code.

Samtang kadtong mga nangagda og ubang tawo sa pag-apil o mamuhonan niining ‘venture’ o nitanyag og investment contracts o securities ngadto sa publiko, mahimo usab kining criminally liable. 

Base sa kasayoran nga nakuha sa SEC, ang Pluggle nag-require sa ilang mga miyembro sa pag-sign up sa ilang website pinaagi sa sponsored link ug pagpalit sa activation code nga nagkantidad og P1,000 pinaagi sa ilang accounts gamit ang bitcoins o pinaagi sa ubang lehitimong mga miyembro.

Matud pa sa SEC nga ang Pluggle mipasalig og 30% ngadto sa 100% nga pagbalik sa ilang salapi sulod lamang sa 12 ka adlaw alang sa members' minimum investment.

"In view thereof, the public is hereby advised to exercise caution before investing in these kinds of activities and to take necessary precaution in dealing with Pluggle Incorporated, or its representatives," matud pa sa SEC advisory. (ecb/PIA7-Bohol)

================

Usa pa ka LPA nga mosulod sa nasod

sunod semana, gibantayan sa PAGASA

TAGBILARAN CITY, Oct. 13 (PIA)--Gibantayan karon sa Philippine Atmospheric, Geophysical and Astronomical Services Administration (PAGASA) ang usa pa ka Low Pressure Area (LPA) nga naa pa sa gawas sa Philippine Area of Responsibility (PAR).

Matud pa sa advisory sa PAGASA, adunay tsansa nga mahimong usa ka bagyo ang maong LPA ug mahimong usa na ka tropical storm pagsulod sa nasod.

Sa sunod semana, mahimong mosulod kini sa PAR ug panganlan kini og Paolo.

Samtang ang bagyong Odette naa ka karon sa bisinidad sa Calanasan, Apayao.

Matud pa sa PAGASA, magpabiling makuyaw ang magpabutang sa seabords sa Northern Luzon tungod kay labangon kini sa bagyong Odette. (ecb/PIA7-Bohol)