USAID magtugyan 3 mil ka
tablet computers sa DepED
TAGBILARAN CITY, November 27
(PIA)—Pangunahan sa labing taas nga opisyal sa United States Agency for
International Development (USAID) ang paghatag og kapin sa 3 mil ka tablet
Computers ngadto sa Department of Education (DepED) sa us aka seremonyas sa
Mansasa Elementary School dinhi sa Tagbilaran City.
Pinaagi sa U.S. Embassy dinhi
sa Pilipinas, si USAID Mission Director for Philippines, Mongolia ug Pacific
Islands nga si Lawrence Hardy II maoy manguna sa ceremonial handover sa 3,274
tablet computers ngadto sa DepEd sa Disyembre 1, 2017 sa may alas 8:00 sa
buntag sa nahisgutang tunghaan.
Ang mga tablet computers may
sulod na nga classroom observation tool nga gitawag og Standard Classroom
Observation Protocol for Educators for Literacy (SCOPEL).
Gawas niana, may unod pa kini
nga digitized versions sa mga tinudban sa panudlo og pangkat-on nga resources
nga gi-ugmad sa USAID.
Kini magamit sa mga pangulo sa
mga tunghaan sa paghatag og giya ug dugang instructional nga suporta sa mga
magtutudlo sa mga early grades, pasabut ni Kaye Sucgang, sa USAID.
Si USAID Mission Director Hardy
mohimo usab sa dinungan nga pagbasa uban sa mga Grade 3 pupils ug iyang
suhetohon kon unsaon sa mga school heads sa paggamit sa tablet-based
applications aron sa sayran niya ang mga pamaaging gigamit sa mga bansay sa
pagtudlo sa mga ubos nga grado sa elementarya.
Dugang niini, modu-aw usab si
Hardy sa usa ka Grade 2 reading class ug makig-kukabildo sa mga local nga
opisyal sa edukasyon aron sayran ang epekto sa batakang tabang sa USAID sa
edukasyon sa lalawigan sa Bohol.
Si Mission Directir Hardy
ubanan sa iyang kalihukan sa Tagbilaran ni City Mayor John Geesnell Yap, DepEd
Tagbilaran City Schools Division Superintendent Virginia Zapanta, DepEd Bohol
Schools Division Superintendent Wilfreda Bongalos ug mga representante sa mga
school heads ug education supervisors.
Ang USAID unang naglusad sa
iyang nag-unang proyekto sa batakang edukasyon nga Basa Pilipinas niadtong 2013
sa pagpakigtambayayong sa DepEd.
Tumong niini ang pag-ugmad sa
kapasidad sa pagbasa sa usa ka milyon ka
kabataang Pinoy nga naa sa ubos nga mga ang-ang sa pagtungha.
Ang proyektong BASA Pilipinas
gipatuman sa USAID sa walo ka school divisions sa Regions 1 ug 7, ug
nakapalig-on na sa abilidad sa pagbasa sa 1.8 milyones nga mga magtutu-on gikan
sa kindergarten paingon sa Grade 3 dinhi sa nasud.
Gipaabut usab nga may
mahitabong hamubong press conference aron sayran sa mga sakop sa media ang
kabahin sa kalihukan.
Ang kalihukan bukas alang sa
media coverage. (rahc/PIA-7/Bohol)
No comments:
Post a Comment