‘Know Your Rights App’

gilusad sa PNP

MANILA, Dec. 04 (PIA)--Dungan sa anibersaryo sa International Human Rights Consciousness Week, gipagawas sa Philippine National Police (PNP) ang ilang gitawag nga ‘human rights mobile app.’

Sa maong ‘App’ mahimong mahibaw-an sa publiko ang ilang katungod pinaagi lamang sa ilang cellphone.

Gitawag nga ‘Know Your Rights App,’ mahimong i-download og libre ang maong mobile application ug ma-ablihan sa bisan kinsa bisan walay internet connection.

Si PNP Human Rights Affairs Office (HRAO) head, Chief Supt. Dennis Siervo nagkanayon nga mahimong sulod sa ‘app’ ang ilang mga anti-torture information ug ang Miranda Rights.

Giingong makita usab dinhi ang mga nag-unang katungod sa usa ka sibilyan ug ang sumbanan sa police operations procedures.

Mahimo usab magpadala og mensahe sa PNP ang publiko gamit ang maong app kun adunay mga reklamo sa human rights.

Matud pa sa PNP, parte kini sa ilang tinguha nga padayong mahatagan og importansiya ang tawhanong katungod sa mga sibilyan. (ecb/PIA7-Bohol)