Publiko, gipa-amping sa FDA sa pagpalit 

og mga produkto karong panahon sa Pasko

TAGBILARAN CITY, Dec. 20 (PIA)--Gipa-amping sa Food and Drug Administration (FDA) ang publiko sa pagpalit og mga pagkaon, duwaan ug mga produktong pangpa-gwapa karong panahon sa Pasko.

Matud pa sa FDA, maayong mopalit og mga produktong aprubado sa FDA ug mapalit sa mga tindahan nga rehistrado sa ilang ahensiya.

Kalabot niini, gi-awhag sa FDA ang publiko nga isumbong ang mga kadudahang tindahan o establisyemento, apil na usab ang mga dili rehistradong produkto sa ilang buhatan pinaagi sa pagtawag sa ilang hotline number nga 857-19-00 local 8113. (ecb/PIA7-Bohol)