Sa
mga babay'ng biktima,
may WCD sa kalungsuran
may WCD sa kalungsuran
TAGBILARAN CITY, December 18 (PIA)--Gipahinumdom
gihapon sa mga tinugyanan sa Kampo Dagohoy ngadto sa mga kababayen-an nga
nag-luom sa pagpanamastamas ug pag-abuso kanila, nga bukas sa tanang oras ang
Women and Children's Desk (WCD) sa matag estasyonan sa kapolisan.
Gani, matud ni
Police Chief Inspector Nida Perocho, mahimo gani nga dili na personal nga
moadto sa buhatan sa kapolisan aron personal nga isaysay ug isugid ang nasinati
nga pag-abuso sama sa pagpanagmal ug sa sekswal nga pag-abuso.
May mga cellphone
numbers ang mga Municipal Tactical Operations Center (MTOC) sa estasyonan sa
kapolisan nga mahimong itext aron sekretong makaestorya ang in charge sa WCD sa
mga biktima sa pang-abuso, pasabut ni Inspector Perocho.
Ang matag estasyonan
sa kapolisan, may duha ka babayeng pulis nga mag-ilisay og duty aron duna
gayu'y maglingkod sa WCD sa oras nga tanan.
Ang WCD gitakda sa
kapolisan pagseguro nga ang mga sensitibong sumbong ilabi na sa mga hisgutanang
pangbabaye, dili masagol sa mga kaso nga naa sa ordinaryong blotter, matud ni
Perocho.
Gipaneguro usab nga
babaye ang maglingkod niini aron mas makapahiluna sa sensitibong hisgutanan sa
mga babaye ilabi na sa sekswal nga pag-among-among, dugang niya.
Dungan sa paghandum
ug pagpatuman sa 18 ka adlaw nga kampanya sa pagbuntog sa pagpanamastamas sa
kababayen-an, gibutyag ni Perocho nga namatikdan nila ang 52% nga pagkunhod sa
kasong violence against women ug children (VAWC) dinhi sa Bohol.
Hinuon, kining taho,
alang lamang sa mga kaso nga giduso ngadto sa piskaliya og wala mag-apil sa
nasulod lamang sa blotter sa kapulisan.
Gidugang usab sa
paglakbit sa babayeng opisyal sa kapolisan nga daghan sa mga kasong gipatala sa
blotter ubay sa pag-abusog pagpanamastamas sa kababayen-an, mahidangat ra sa
amicable settlement dala sa kasagaran, magkasinabtanay ra tungod kay kapamilya
ra.
Apan, alang sa mga
napasa ngadto sa piskaliya, gipaneguro usab sa mga tinugyanan nga may mga
ahensya nga motabang alang sa mga biktima.
No comments:
Post a Comment