Turismo sa isports sa Alicia

midani'g kapin 300 ka atleta

TAGBILARAN CITY. January 29 (PIA)-Gipangandaman sa lungsod sa Alicia ang pag-asdang sa kapin sa 300 na ka trail runners nga moapil sa labing unang lumba didto sa The Alicia Panoramic Park (TAPP) samtang milaum nga ang turismo sa lungsod makalusad na gayud.

Ang TAPP maoy nag-unang pangturismo nga produkto sa lungsod ug naglangkob sa mga kabungturan sa Cambaol diin ang mga pungkay niini naghatag og maayong talan awon sa lima ka lungsod nga naglibot niini.

Ang TAPP usab maoy gihimong lugar sa extreme bike ug motorcycle ug trail run sa mga atleta nga gikan sa mga nagkadaiyang dapit sa nasud.

Alang sa TAPP Trail Run 2018, sobra na sa 300 ang nagparehistro hangtud niadtong Biyernes, Enero 26, katapusang adlaw sa pagparehistro, segun pa ni Alicia tourism officer Godelia Lumugdang.

Alang niini, gitigum na ni Mayor Marnilou Ayuban ang mga katawhan sa Alicia kansang mga balay modawat sa home stay program alang sa mga atleta nga apil sa lumba.

Buot nato nga masayud ang katawhan nga ang atong lungsod malipay kon ang mga atleta nga mosaka sa mga kabalayan nga magdala kini og maayong kasinatian sa ka init sa pag abi-abi sa katawhan, matud ni Mayor Ayuban.

Gikataho ni Lumugdang nga ang The Farm, kinsa maoy opisyal nga sponsor sa lumba sa dagan nga taman sa 70 lamang ang atleta nga mapadayon sa ilahang pasilidad ug napuno na kini duha ka semana na ang nilabay.

Kini usab nagpasabut nga ang uban nga mga atleta kinahanglan na nga mag home stay, adto mohigda sa mga eskwelahan ug sa mga barangay hall nga magbukas alang sa lumba.

Milaum usab ang Alicia nga may dyutay nga kita ang mga taga didto samtang gipaneguro sa mga opisyales nga limpyo ug luwas ang mga pagkaon nga ikapamaligya sa duha ngadto na sa tuko ka adlaw nga kalihukan. (rahc/7PIA-7/Bohol)

Kini nga mga kabungturan ang gidamgo sa mga sports tourist athletes nga sagubangon sa umaabut nga Pebrero 10-11 kanus-a ang Alicia maghimo sa ilang Foundation Anniversary TAPP 2018 Trail Run ug Kinatkatay sa Binabaye nga gidugokan na sa kapin sa 300 ka atleta. (rahc/PIA-7/Bohol)