17 sa 100 ka panimalay

nalimpyo na sa drugas 

TAGBILARAN CITY, February 1 (PIA)--Usa ka buwan human sugdi og pagpatapot sa mga stickers ang mga kabalayan sa mga Bol-anon, mikabat na sa 17.30 % ka kabalayan, o 17 sa usa ka gatus ka balay ang mahimo nang ilhon nga wala nay nagpuyo nga na-ungo sa drugas. 

Kini nga datus gikan sa Disyembre 30 ngadto na sa Enero 25, subay sa gipahayag sa Bohol Provincial Police Office (BPPO) sa taho niini sa Provincial Peace and Order Council (PPOC) Enero 29. 

Kahinumduman nga si Gobernador Edgar Chatto namahayag nga ang pagapatapot sa mga "Drug-Abuse-Free (DAF) stickers," usa ka programa agi og insentibo sa mga kabalayan kansang mga nanimuyo, luwas na sa ilegal nga drugas. 

Ang pagpatapot sa mga stickers magsilbi usab nga gabayan sa pag-aghat sa katawhan nga moapil ug manginlabut sa nagpadayon nga drug-clearing operations sa Bohol, matud sa Gobernador kinsa tsirman usab sa PPOC. 

Pinaagi usab niini, matud niya, mapadali ang pagsubmitir sa mga dokumento nga basehan sa Regional Oversight Committee sa ilang pagdeklara nga nalimpyo na ang mga barangay sa Bohol sa hulga sa ilegal nga drugas. 

Ang DAF stickers nga maoy comprehensibong drug clearing operations, analysis ug validation sa Bohol, ug ang pamilya nanimuyo sa usa ka panimalay nga makapasa sa drug clearing operations hatagan sa DAF sticker nga pamatud-an sa pangulo sa panimalay ug hepe sa kapolisan sa lungsod. 

Human gilusad ang ceremonial nga pagtugyan sa mga DAF stickers niadtong Disyembre 30, 2017 nga karon ilhon na nga Seal of Good Housekeeping House Tagging, 52,058 na ka balay ang napahimutangan sa stickers, segun sa taho sa Kampo Dagohoy. 

Subay sa susamang report, adunay 300, 915 ka kabalayan ang nias sa Bohol samtang mikabat na sa 39, 093 ka Bol-anon ang mitahan sa ilang kaugalingon sa Oplan Double Barrel. 

Ngadto sa mga mitahan, kasamtangan na usab nga nagpadayon ang Community Based Rehabilitation Program Without Walls (CBRP WOW) subay sa mga mapamatud-an sa Matrix based Intensive Out-Patient (MIOP) program nga nagkinahanglan gayud sa clinical confinement ang drug user. 

Hinuon, sa kinatibuk-ang Bohol, nakaabut na sa 596 ka mga barangay ang may mga balay nga nabutangan nag DAF stickers sa kinatibuk-ang 1,109 ka barangays. 

Matud ni PSSupt Angeles Geñorga hepes kapolisan saa Bohol, kinahanglang mapahimutang na ang mga stickers kay mahimong mohupas na ang ka epektibo niini sa aghat sa pagpatabang komunidad sa kampanya kon dili mapahimutang. 

Niini, ya na nga gimanduan ang mga kapolisan sa kalungsuran nga paspasan ang pagpatapot sa mga stickers samtang gilusad na pag-usab sa kapolisan ang Oplan Double Barrel batok sa ilegal nga drugas. (rahc/PIA-7/Bohol)

Gibalig pagpasabut ni Gob Edgar Chatto, tsirman sa PPOC ang pamaagi sa pagpatapot sa mga Drug Abuse Free stickers sa mga kabalayan aron hinayhinayan nag clear ang mga kabarangayan sa Bohol sa hulga sa ilegal nga drugas, atul sa PPOC Enero 29. (rahc/PIA-7/Bohol)