Deployment ban sa mga skilled ug semi-skilled 

workers sa Kuwait, gitangtang na sa Malakanyang

MANILA, Mayo 16 (PIA)--Gitangtang na ang deployment ban alang sa mga skilled ug semi-skilled workers sa Kuwait.

Kini ang gipahibalo ni Presidential Spokesperson Harry Roque sa press briefing kagahapon sa Malakanyang.

Sigun pa kang Roque, gitangtang na ang gipatuman nga ban base na usab sa desisyon sa Department of Labor and Employment (DOLE) apan alang lamang kini sa mga skilled ug semi-skilled workers.

Ang deployment ban alang sa mga household service workers matud pa ni Roque tangtangon ra usab sa umaabot apan dili pa niya mabutyag kun kanus-a. 

Tungod sa partial lifting sa deployment ban, gipaabot nga 20,000 ka mga trabahante ang ma-deploy na sa Kuwait.

Kahinumdoman nga nalagdaan na ang memorandum of agreement tali sa Kuwait ug Pilipinas nga naghikyad og proteksyon sa mga household service workers sa Kuwait. (ecb/PIA7-Bohol).