DOLE mitanyag tabang pinansyal 

sa mamumuo sa informal sector 

TAGBILARAN CITY, Bohol, May 16 (PIA)--Gitanyag sa Department of Labor and Employment (DOLE) ngadto sa mga mamumuo sa informal nga sektor ang tabang pinansyal aron ma-alsa sa kawad-on ngadto na sa pag-kaapil kanila sa pormal nga ekonomiya. 

Ang tabang alang ngadto sa mga nagkaugalingon ug gamay lang nga kita, mga naglisud og mga mag-uumang nagtikad lang sa yuta sa uban, mga mangingisda; mga walay sweldo apan nagtrabaho sa balay, kababayen-an, kabataan; mga nag-inadlaw ng suholan, mga trabahante nga dili permi ang trabaho, kadtong nawad-ag trabaho tungod sa pagkapurdoy sa gitrabaho-an, pagkahugno sa negosya dala sa katalagman, nangataktak sa trabaho, mga may kabilinggan (PWD), senior citizens, mga lumad, mga ginikanan sa mga batang nagtrabaho na, mga rebel returnees og biktima sa mga armadong kagubot, ug kadtong dali ra nga maapektohan sa kalisud, segun pa sa DOLE. 

Niini giaghat ni DOLE Undersecretary Joel B. Maglunsod ang mga kwalipekadong trabahante sa pagsuway sa Kabuhayan Program sa DOLE. 

Ang Kabuhayan program, usa sa mga pipila ka tanyag sa DOLE Integrated Livelihood and Emergency Employment Program (DILEEP), matud ni Maglunsod atul sa labing bag-ong paghandum sa Labor Day celebration alang sa mga naa sa Informal Sector.

Pinaagi sa Kabuhayan program, milaum ang kagamhanan nga makatukod og kasaligan nga kapili-an sa panginabuhian ang mga trabahante pinaagi sa ilaha na unya nga income-generating livelihood activities.

Duha ka kategorya: grupo o indibidwal nga proyekto, ang mahimong mogamit sa tabang panginabuhi-an, dugang ni Atty. Ma. Karina P. Trayvilla, ang Director sa Bureau of Workers with Special Concerns (BWSC). 

Alang sa grupo na may 15 ngadto sa 25 ka sakop, mahimong makahuwam og labing dako nga tabang sa P250,000.00, saysay ni Atty Trayvilla. 

Sa laing bahin, ang pundok nga may 26 ngadto sa 50 ka sakop makahuwam og tunga sa milyon samtang ang may kapin sa 50 ka sakop mahimong mohuwam og maximum nga P1,000,000.00.

Alang sa indibidwal nga projects, mahimong mamakuha sa Starter Kit o Negosyo sa Kariton (Nego-Kart) nga nagbalor og hangtud sa P 20,000.00.

Sa Sugbo, ang national celebration sa Labor Day alang sa Information Sectors mitapok sa kapin sa 300 ka tawo nga gitapok sa National Anti-Poverty Commission (NAPC), Alliance of Workers in the Informal Sector (ALLWIES) ug uban pang kahugpungan sa mga mamumuo. (PIA Bohol/DOE)

Alang sa mga mag-uuma nga dali ramg maapektohan sa pag-usab-usab sa panahon, may tabang ang DOLE nga giputos sa Kabuhayan program. Bisitahi ang buhatan sa DOLE alang sa dudang kasayuran. (rehc/PIA-7/BOhol)