DPWH, mipadali sa pagpahiuli ug pag-ilis sa 

mga tulay nga nangadaot sa linog sa Bohol 

TAGBILARAN CITY, Mayo 29 (PIA)--Ang Department of Public Works and Highway (DPWH) nagtinguha sa pag-kumpleto ning tuig 2018 sa pagpahiuli ug pag-ilis sa mga tulay subay sa Bohol Circumferential Road nga nangadaot sa magnitude 7.2 nga linog niadtong tuig 2013. 

Si Director Virgilio Castillo sa DPWH Unified Project Management Office–Roads Management Cluster 1 miingon nga ang Road Upgrading and Preservation Projects nga gi-pondohan ubos sa loan sa Japan International Cooperation Agency (JICA) naglangkob sa reconstruction/repair sa unom (6) ka tulay ubos sa Package 1 ug 2, lakip na usab sa 1 ka tulay ubos sa Package 3. 

Nagsugod niadtong tuig 2016, ang Package 1 nga nagkantidad og P139.35 milyon naglakip sa reconstruction sa Anislag Bridge sa lungsod sa Maribojoc ug Palo ug Hinawanan Bridge sa lungsod sa Loay. 

Samtang ang Package 2 nga nagkantidad og P95.13 milyon naglakip sa reconstruction sa mga lungsod sa Damiao ug Inabanga ug Hunan Bridge sa lungsod sa Buenavista, ug repair sa Bateria Bridge sa lungsod sa Tubigon. 

Matud pa ni Castillo nga ila nang gipahinumdoman ang kontraktor nga MAC Builders sa pagpadali sa nagpadayong konstraksiyon sa mga tulay aron pagsiguro sa kahumanan ug pagbukas niini sa dili pa matapos ning tuig. 

Ang Package 3 usab naglangkob sa P445.77 milyon nga ilis sa 99-lineal metros Clarin Bridge sa lungsod sa Loay diin gipahigayon ang groundbreaking sa pagpanguna mismo ni DPWH Kalihim Mark Villar, Cabinet Secretary Leoncio Evasco Jr., Congressman Arthur Yap ug DPWH Undersecretary Emil Sadain niadtong buwan sa Abril ug gitakda kining matapos sa Oktubre 2019. 

“The replacement and repair of these bridges will mean better and resilient link between the towns, hence facilitate safer travels within this tourist-magnet province of Bohol, (Ang pag-ilis ug pag-ayo niining mga tulay nagpasabot og mas maayo ug piskay nga dugtong tali sa mga lungsod, busa maka-pasilitar og mas luwas nga pagbiyahe sulod ning tourist-magnet nga probinsya sa Bohol)” matud pa ni Castillo. (ecb/PIA7-Bohol/DPWH).