‘National Flag Day’ gisaulog 

sugod Mayo 28 taman Hunyo 12 

TAGBILARAN CITY, Mayo 29 (PIA)--Gihandom sugod kagahapon, Mayo Mayo 28, ang ika-120 ka tuig nga pagsaulog sa “National Flag Day” o Adlaw sa Bandila. 

Unang gipakayab ang bandila sa Pilipinas human mapildi sa Philippine Revolutionary Army ang Spanish Forces sa Battle of Alapan sa Imus Cavite niadtong tuig 1898. 

Tuig 1994 sa dihang gipagawas ang Executive Order No.179, nga nagpa-uswag sa panahon sa pagsaulog sa National Flag Day gikan Mayo 28 hangtod Hunyo 12 o Adlaw sa Kaugalingnan o mas gi-ila sa ‘Independence Day.’ 

Dungan niini, gi-awhag ang mga Pilipino sa pagbutang og bandila sa Pilipinas sa tanang buhatan sa gobyerno, mga business establishment, tunghaan, pribadong mga balay ug bisan sa mga sakyanan. 

Isip pagbarog usab human sa nahitabo sa Mindanao sa niaging tuig, gi-awhag ang matag-Pilipino sa pagpabalik sa kinabuhi sa nakalatid sa Republic Act 8491, Sec. 26 pinaagi sa pagbutang og mga bandila isip simbolo sa atong kagawasan ug maikagon nga tinguha alang sa kalinaw nga maghari sa tibuok Pilipinas. (ecb/PIA7-Bohol).