Duha ka pamilyang Bol-anon 

May tabang gikan sa CoMSCA 

TAGBILARAN CITY, May 28 (PIA)—Duha ka pamilyang Bol-anon ang mingdawat sa nabatasan na nga tabang nga natigum atul sa usa ka adlaw nga fund raiser sa ika upat nga National Community-Managed Savings and Credit Associations (CoMSCA) Summit nga dinhi himoa sa Bohol. 

Gidawat ni Sulpicia Oerba, Taga Villa Aurora Antequera ug ni Angelita Boyonas, taga Ubay, Bohol ang ilang bahin sa natigum nga tag P13, 108.00 nga bahin sa natigum. 

Gibutyag ni World Vision Cebu Cluster Area program manager Faith Richelle Sy nga P 39, 334. 25 ang natapok sa fund raiser sa CoMSCA sa Mayo 28 nga fund raiser alang sa tulo ka tumbok nga tabanganan sa Visayas. 

Niini, nahatagan nag kamatuoran nga dili kinahanglang naahan gayud aron makatabang. 

Ang pundo nga natigum atul sa Summit, gikan lang usab sa mga kabus nga sakop sa CoMSCA Network kansang traditional savings ilang gihimo sa matag higayon nga may Summit silang gihimo. 

Didto sa ika 4th National Community-managed Savings and Credit Associations (CoMSCA) Summit nga gihimo dinhi sa Tagblaran City, kapins a 1500 ka tawo, ang nagtapok sulod sa Bohol Cultural Center aron pag-apil sa summit. 

Gitambongan sa mga sakop sa 7 ka Non-Government Organizations (NGO) nga sakop sa CoMSCA Network, may kapin sa 1,300 ka mga Bol-anon usab nga sakop sa mga nakadaiyang community based nga mga kapunungan nga may savings ug credit nga functions ang mitambong. 

Ang Summit tinuig nga pag-ambitay sa mga maayong kasinati-an ug pagbayloay’g maayong solusyon sa mga suliran sa CoMSCA models nga gipadagan libut sa nasud karon, matud ni Ernesto Macabenta, associate Director sa World Vision Visayas didto sa pasiunang Press Conference didto sa The Buzzz sa Galeria Luisa niadtong Byernes. 

Lain nga tumong usab sa Summit mao ang pag-enganyo sa mga komunidad nga ipa-uso na ang kinaiya sa pagtigum, ilabi na sa mga kabus. 

Sa usa sa mga pagtuon sa Bangko Sentral ng Pilipinas, nahibaw-an nga 70% sa mga Pilipino, walay tinigum, tungod kay walay sarang ikatigum og kay magkalisud og duso sa mga dokumento sa pagdeposito sa bangko. 

Ang CoMSCA maoy atong solusyan alang niini, human nato masinati ang malampuson nga ginagmay nga butang sa kabarangayan, butyag ni Macabenta, kinsa usa sa mga haligi sa CoMSCA. 

Iyang gibutyag nga ilang gitun-an ang mga maayong bansay sa ginagmay nga pahuwam sa kabisay-an ug gikuha ang mga maayong gawi niini og gipatuman sa COMSCA, dugang ni Macabenta, kinsa mipadayag nga mas maayo nga dili kayo daghan ang sakop sa us aka kapunungan. 

Kinahanglan usab nga ipatuman ang mga pipila ka kabag-ohan sama sa paghimong bukas ug walay trampas nga pagpadagan sa kwarta, lakip na ang pagpundo og social fund. 

Agi og paghimong institusyon sa CoMSCA nga gisugdan sa Mindanao niadtong 2008, matag Summit, nabatasan na nga ang mga motambong mohatag og pundo alang sa ilang ipasulod sa network nga tabanganan gayud. 

Namatikdan sa ComSCA nga human sa pipila na ka buwan and nakabantay, nakubsan na ang mga kabus nga mangayo og tabang sa kagamhanan, ne menos na, nga posibleng epekto sa community savings. (rahc/PIA-7/Bohol)

Nag-inuarang inahan sa duh aka teen-ager na, si Sulpicia Oerba nga nasakop sa CoMSCA Celin, taga Villa Aurora Antequera midawat sa P13 mil nga hinabang nga gipundohan sa mga sumasalmot sa 4th CoMSCA Summit sa Bohol. Si Oerba usa sa tulo ka sakop sa CoMSCA nga nahatagag hinabang alangs a ilang pagbarug gikan sa kawad-on. (rahc/PIA-7/Bohol)