Duterte, nitambong sa ika-25
nga VMLP confab sa Bohol
PANGLAO, Bohol, June 29
(PIA)--Nitambong si Presidente Rodrigo Roa Duterte sa ika-25 nga Annual
National Convention sa Vice Mayor’s League of the Philippines (VMLP) niadtong
Huwebes, Hunyo 28 didto sa Bellevue Pavilion ning lungsod.
Giingnan sa Presidente ang mga bise mayor nga nitambong nga
isip parte sa lokal nga pangagamhanan, usa sila sa mga ‘front liners’ sa
pagdala sa gobyerno duol sa katawhan.
“Indeed, I cannot
over-emphasize that you play a pivotal role in the administration’s task to rid the society of
these ills that have made our people suffer and have long impeded our
country’s development for so long (Gani, dili nako sobrang mapalutaw ang gidala
ninyong mahinungdanong papel sa tahas sa administrasyon sa pagpapha sa
katilingban sa mga nagdaot sa atong katawhan nga maoy nag-antos ug nakababag sa
kalamboan sa atong nasud sa dugay nang panahon).
Si
Duterte niabot mga alas 4 sa hapon kauban ni Special Assistant to the President
Kalihim Christopher “Bong” Go, Kalihim Francis Tolentino sa Office of the
Political Adviser ug Presidential Assistant for the Visayas Michael Lloyd Lee
Dino.
Gitagbo
sila nilang Gob. Edgar Chatto, VMLP-President Donnabel Joy Mejia, Convention
Director Jose Antonio Veloso, First District Rep. Rene Relampagos, Second
District Rep. Erico Aumentado, Third District Rep. Arthur Yap, Tagbilaran City
Mayor John Geesnell Yap II, Dauis Mayor Marietta Sumaylo ug Panglao Mayor Pedro
Fuertes.
Ang VMLP
usa ka organisasyon sa tanang bise mayor
sa tanang syudad ug munisipalidad sa Pilipinas nga may 1,632 ka miyembrong LGU.
Natukod
niadtong tuig 1988, ang VMLP nangalagad na sa lokal nga kagamhanan sa milabay’
ng 30 ka tuig.
Nagdala
sa temang: “Environmental Management, Yardstick
of Good Governance,” ang tulo ka adlaw nga confab gi-host ni VMLP Bohol
Chapter Jose Antonio Veloso, ang bise mayor sa syudad sa Tagbilaran nga mao
usab ang convention director ug national treasurer sa VMLP.
Gi-awhag ni Duterte ang mga bise mayor nga magpadayong kaabag
sa pagtabang sa pagkab-ot sa kalinaw, kalamboan ug katunhay sa atong komunidad
ug nasod. (ecb/PIA7-Bohol)
No comments:
Post a Comment