‘Honesty Award’ sa 32 ka mga tricycle drivers 

gitunol atol sa ika-52 Charter Day sa Tagbilaran 

TAGBILARAN CITY, July 3 (PIA)--Taliwala sa daghang mga pagsaway sa pipila ka mga badlongon nga tricycle drivers sa syudad, aduna pa gihapon pipila kanila ang nagpabiling matinuoron ug nagpakita og maayong buhat. 

Gipasigunggan sa syudad sa Tagbilaran ang 32 ka matinuoron nga mga tricycle drivers ning syudad atol sa commemorative program agi og pagsaulog sa ika-52 nga Charter Day sa Tagbilaran niadtong Domingo, Hulyo 1 nga gipahigayon sa City Hall Atrium. 

Ang 32 ka mga tricycle drivers naglakip nilang: Ariel A. Hampac, Arnulfo P. Batican, Arsenio R. Espina, Charlie L. Cabulao, Conrado D. Biwang, Cristopher O. Tumarao, Darwin P. Calamba, Dines H. Dampog, Elmer G. Pumatong, Fernando N. Bullanday Jr., Gaudencio L. Maputol Jr. 

Gil F. Aranzado, Jesus L. Baquero, Joseph G. Sumabong, Mario A. Tubiano, Mario B. Omila, Mario M. Ramiso, Melvin P. Acuzar, Nerio F. Bongcaras, Nicanor J. Niluag, Noel M. Agurang, Norberto T. Balatero. 

Petronilo D. Jotojot, Ramel C. Ranolo, Sherwin C. Amang, Ricardo H. Mangala, Rogelio L. Hingpit, Roger C. Cubio, Ruel D. Maghuyop, Tomas S. Montero, Urbano S. Madanguit, ug Willardo C. Anicoy. 

Gawas sa plake nga ‘Honesty Award,’ gihatagan usab sila sa syudad og tagsa ka sakong bugas isip pag-ila sa ilang maayong buhat. 

Pinaagi sa pagpasidunggog sa maong mga tricycle drivers, gustong dasigon ni Tagbilaran City Mayor John Geesnell "Baba" Yap ang integridad o katarong sa mga tricycle drivers sa syudad. 

Kini tungod kay gi-isip man sa mayor ang mga tricycle drivers nga ‘major component’ sa pagpalig-on sa turismong potensyal sa syudad sa Tagbilaran diin kinahanglang magpakita sila og propesyonal nga gawi sa tanang oras. (ecb/PIA7-Bohol) 

Honesty Award. 32 ka tricycle drivers sa syudad sa Tagbilaran ang gipasidunggan nila Mayor John Geesnell ‘Baba’ Yap II ug Vise Mayor Jose Antonio Veloso atol sa pagsaulog sa ika-52 nga Charter Day sa syudad niadtong Hulyo 1 sa City Hall Atrium. (PIA-Bohol)