Konsepto sa pederalismo,

ipakatap sa gobyerno

TAGBILARAN CITY, July 3 (PIA)--Gi-awhag sa Malakanyang ang nagkalain-laing buhatan sa gobyerno nga makighiusa sa pagpakatap sa maayong epekto sa pederalismo sa pang-adlaw-adlaw nga pagkabuhian sa matag Pilipino.

Kinahanglan nga ipakatap sa gobyerno ang konsepto sa federalismo.

Kini ang pahayag sa Malakanyang human nigawas sa labing ulahing survey sa Social Weather Stations (SWS) nga usa sa matag upat ka Pilipino lamang ang nakahibalo kalabot sa pederalismo o ang pagbag-o sa kasamtangang porma sa gobyerno.

“Well I think, everyone in government ‘no should exert more effort in popularizing, number one, the need to shift to a federal form of government; its advantages to the people and its effect on the everyday lives of the common people (Sa akong hunahuna, tanan sa gobyerno kinahanglang mas manglimbasog sa pagtugbaw, labing una ang panginahanglan sa pagbalhin sa pederal nga porma sa gobyerno; ang mga kaayohan niini sa katawhan ug epekto sa adlaw-adlaw nga kinabuhi sa ordinaryong katawhan),” matud pa ni Presidential Spokesperson Harry Roque. 

Matud pa ni Roque, dili igo ang information drive sa gobyerno kalabot sa pederalismo.

Gi-aprobahan na karong adlawa sa Consultative Committee (Con-Com) ang final draft sa bag-ong konstitusyon.

Kahinumdoman nga gimugna ni Presidente Rodrigo Duterte ang Con-Com aron tun-an ang mga probisyon sa batakang balaod nga kinahanglang amyendahan. (ecb/PIA7-Bohol)