Pribilihiyo sa probation solbad
Sa mga naghuot nga prisohan
TAGBILARAN
CITY, July 9 (PIA)—Alang sa naghuot nga mga prisohan, niay solusyon ang parol
and Probation Office (PPO).
Matud
nila, dili ang tanan nga nakabuhat og salaud, angayan nga ipaslak sa
bilanggu-an kay may mga natukmod lang sa kahigayunan, nasakpan,
nakapanghinuklog ug buot na nga mag-usab.
Kini
maoy rason sa hepe sa Parole and Probation Office, Raquelito Rollan, didto sa
Kapihan sa PIA.
Didto
sa radio forum on the air, gibutyag ni Rollan nga alang sa mga tawo nga
nasentensyahan na sa korte ug walay kabilinggan nga masupak sa programa, mahimo
kini nila nga katabangan.
Ang
tabang, pasabut ni Rollan, pinaagi sa probation (probesyon).
Pinaagi
sa probesyon, ang usa ka tawo nga
nahukman na sa korte sa salaud nga criminal, mahimong dili na ibalhug sa
prisohan. Hinuon, ang tawo nga nakombikto ipailawom sa superbisyon sa usa ka probation officer, ug adto na sa gawas magtuman
sa unsa may gikinahanglang buhaton aron pagtagbaw sa korte nga nagsilot kaniya,
pasabut ni Rollan.
Hinuon,
kadtong makombikto sa salaud nga may silot nga labing taas, moabut sa 6 ka
tuig, kadtong nakombikto sa pagsupak sa nasudnong seguridad, kadtong una nang
nasilotan sa korte sa pagkapriso kapin sa 6 ka buwan ug 1 ka adlaw ug multa nga
sobra sa usa ka libo, kadtong human na nga makaprobisyon ug kadtong naka-alagad
na sa ilang sentensya sa wala pa malatid kining balaod sa probesyon, dili na
kwalipekado sa pribilihiyo sa probesyon, dugang pasabut sa PPO.
Pribilihiyo,
dili katungod, sumpay pasabot pa ni Rollan, kinsa mao na usab ang regional
information officer sa PPO 7.
Kini,
tungod kay matud niya, mahimong idili sa korte ang hangyo sa probesyon ilabi na
kon makit-an nga mas makatabang sa nakasala kon mapatagam sa prisohan ug adto
magpahiuli.
Dugang
pa, kon matino sa korte nga may dako pa hinuon nga kahigayunan nga sa
pagpailawom sa mas lu-ag nga probesyon, makahimo pa hinuon og mas grabe nga
salaud, may katungod ang korte nga dili ihatag ang probation, dugang sa mga
tinugyanan sa PPO.
Kay
sa, magtinggkagul sa bilanggu-an diin gastohan sa goberno pagpakaon, ug pag-atiman,
mas maayo nga ila-in ang criminal ilabi nag dili grabe ang salaud kay mas
matakdan sa mga lubasan na nga criminal, dugang sab sa mga namati sa Kapihan.
Inay
mabilanggo, ang usa ka kombiktado sa
salaud, hataga’g higayun nga magtinarung samtang tutokan sa usa ka probation officer, kinsa maghimo sa mga
obserbasyon sa kinaiya sa napailawom sa probesyon.
Kinahanglan
hinoun nga moreport gilayon sa probation officer ang kombiktado kausa sa usa ka buwan, maglikay sa pagpakasayop supak sa
balaod samtang naa sa probesyon ug pagsunod sa mga gilagdan nga buhatonon
samtang naas sa probesyon, kini ang mga tamdan sa mga makasinati sa
pribilihiyo.
Usa ka paglapas sa mga buhatonon sa probesyon,
makapabalhug na usab sa usa ka tawo
balik sa bilangu-an samtang iya na nga kompletohon ang sentensya aron mahibalik
ang pagka gawasnon.
Niini,
aghat sa PPO, niadtong may nga kabanay nga napriso sa mga gagmay nga salaud,
pasuwaya og apply sa probesyon sa dili pa abtan og 15 ka adlaw human mabugtaw
ang paghukom sa korte, pagbisita sa labing duol nga buhatan sa PPO didto sa
Hall of Justice, New Capitol Complex, Tagbilaran City. (rahc/PIA-7/Bohol)
AGHAT SA MGA BUOT NA NGA MAGTINARONG. Ang PPO pinaagi ni Rquelito Rollan nag-aghat sa mga may kabanay nga nabilanggo ug bag-o lang nahukman sa korte nga pa-aplayon sa probation, basin ihatag sa korte og dili na kinahanglan pang magtingkagol sa bilangguan diin may kahadlok pa gani nga mosamut ang pagkakriminal. (rahc/PIA-7/Bohol)
No comments:
Post a Comment