“Simbahan sa Dauis” usa sa 

Selyo ng i-exhibit sa Philpost

TAGBILARAN CITY, Bohol, July 9 (PIA)—Subay sa mga nindot nga produktong pangturismo ug mga kabilin sa Bohol, pangunahan sa Philippine Postal Corporation (PHLPost) ang pagpasundayag sa napahiuli na nga simbahan sa Inmaculada Concepcion sa Dauis atul sa ilang pag-apil sa sadya sa Sandugo. 

Ang exhibit sa mga selyo para sa suwat koryo nga pangunahan sa karaang Simbahan sa Dauis, ilhon nga “Mga Selyo’ng Pamana” (Mga Kabilin nga Selyo) nga buksan didto sa Bohol Cultural Center dinhi sa Tagbilaran gikan sa Julyo 23 nagdto na sa 27, 2018, segun pa sa philPost. 

Gawas sa kara-ang simbahan sa Dauis, may daghan pa nga mga kabilin nga Pilipinhon nga naa gihandum sa mga selyo, dugang sa Philpost. 

Ang simbahan sa Dauis, giingon nga maoy ika upat na nga simbahan nga natukod diha sa lugar ug nataran niini sukad mapabarug ang labing unang simbahan nga mugna sa mga gaan nga materyales. 

Giisip na nga nasudnong kulturanhong bahandi, ang Simbahan sa Assumption sa Dauis makit-an pa gihapon nga nagbarug, kapiud-an n aka tuig human niadtong 1697 sa pagtukod sa unang simbahan. 

Apan, usa ka grabe nga linug ang mipahugno sa mga parte sa simbahan sa Bohol ug ang simbahan sa Dauis, wala makalingkawas. 

Ang simbahan sa Dauis usa sa mag nahimong espesyal nga pasundayag sa 2018 Heritage Month nga nagpakita sa Spanish Colonial churches sa nasud. 

Mismo ang Bol-anon nga PostMaster Genertal nga si Joel Otarra ug ang mga tinugyanan sa Philpost ang manguna sa pagbukas nga kalihukan, matud sa mga tigpasiugda. 

Gawas sa simbahan sa Dauis, makit-an usab didto ang mga karaang selyo, mga collectors items ug mga kasayuran kabahin sa philately o pagkolekta sa mga dili kasagaran nga selyo. 

Ang kalihukan sa Philpost, duyog sa tinuig nga Sandugo Festival, nga nagsaulog usab sa makasaysayanong paglagdaay sa kasabutan sa panaghigalaay tali ni Miguel lopez de Legazpi ug ni Sikatuna. 

Ang kasaulogan sa Bohol gidayandayanan sa mga parade, exhibit, trade ug products fairs, mga kalingawan, mga tigum ug reunions ug mga pasundayag. (rahc/PIA-7/Bohol) 

Dalhon sa PhilPost dinhi sa Bohol ang ilang mga dili kasarangan nga koleksyon sa mga selyo para sa koryo alang sa us aka exhibit didto sa Bohol Cultural Center nga buksan sa Julyo 23, ug molanat ngadto sa 27. (PhilPOst)

Dalhon sa PhilPost dinhi sa Bohol ang ilang mga dili kasarangan nga koleksyon sa mga selyo para sa koryo alang sa us aka exhibit didto sa Bohol Cultural Center nga buksan sa Julyo 23, ug molanat ngadto sa 27. (PhilPOst)