SK, bansayon sa barangay
emergency mgt - PDRMO
TAGBILARAN
CITY, July 16 (PIA)—Makigtali ang Provincial Disaster and Risk Reduction
Management Office (PDRRMO) ngadto sa mga kabataan sa Bohol, pinaagi sa
Sangguni-ang Kabataan (SK) aron makabansay pa og mas daghan pang magamit alang
sa paghimo sa Bohol nga mas makalahutay ug dili mapurohan, kon ugaling may
mo-igo nga katalagman.
Kini
maoy gibungat ni PDRRMO Anthony Damalerio, kinsa personal nga mipakita sa
Kapihan sa PIA niadtong Huwebes, aron isaysay ang mga pagpangandam sa Bohol
batok sa katalagman.
Kini
usab, subay sa paghandum sa Hulyo isip Disaster Resilience Month, kanhi
Disaster Prevention Month.
Matud
ni Damalerio, sukad ng mapalig-on ang Bohol Disaster Risk Reduction Management
Office, pinaagi sa emergency response arm niini nga Telephone and Radio Systems
Integrated Emergency Response 117 (TaRSIER 117), gipadagan na ang mga bansay
bansay ilabi na sa mga kabarangayan sa Barangay Emergency Management Training
(BEMT).
Ang
BEMT, us aka paagi nga mapahiluna sa mga komunidad sa Bohol ang hiniusa nga
aksyon ug una nga mapahibaw ang katawhan sa angayan nga buhaton kon may
katalagman, pasabut ni Damalerio.
Ang
bansay, gipahiluna usab subay sa unsay labing duol nga posibleng moigo nga
katalagman, subay usab sa mga makuha nga mga mapa sa katalagman nga gipagawas
sa Office of the Civil Defense.
Dala
usab sa panginahanglan’g mapasabut ang katawhan sa mga posible nga katalagman
nga ilang sagubangon, ang pagpangandam batok sa tsunami alang sa mga komunidad
nga naa sa lugar nga delikado sa pagdako ug pagbanlas sa tubig dagat.
Apil
na usab sa BEMT ang pagpangandam sa baha, sa mga lugar nga lunopanan segun sa
mga disaster maps, ug ang Water Search and Rescue, kon may hitabo nga may mga
maanud sa baha.
Mabansay
usab ang katawhan sa pagpangandam sa linug, pagkadahile sa yuta, sunog ug uban
pa.
May
bansay usab batok sa mga pgapahimutang sa mga evacuation, sa pagtumbok ug
pagpahiluna sa mga lugar nga hiklinan (evacuation centers) kon may katalagman.
Kritikal
usab, matud pa ni Damalerio nga masayud ang katawhan ilabi na sa mga opisyales
sa barangay kon unsay angayan nga buhaton kon magpalihok pagtubag sa hulga sa
katalagman.
Apan,
bisan pa niini, nakita sa PDRRMC nga may nga bag-o na usab nga set sa mga
opisyales ug mahimo nga ang una nila nga nabansay, dili na mga opisyales.
Niini,
laing hugna na usab sa bansay ang ipakatag sa PDRRMC, ug kini mag-una sa
Sangguni-ang Kabataan, taho ni Damalerio.
Karon,
dugang niya, nakigsabut na sila kang SK Provincial Federation Victor Bolos Jr.,
alang sa pagpahiluna sa mga schedules, dugang ni Damalerio didto sa Kapihan sa
PIA.
Kon
mapasugdan, may mapaabut na usab nga laing kapin sa 300 ka tawo nga magamhana
na usab sa tukmang buhaton sa pagpangandam batok sa katalagman, pinaagi sa mga
nahisgutan nga bansay. (rahc/PIA-7/Bohol)
Mipadayag
si PDRRMO Anthony Damalerio sa ilang tumong nga mabansay ang kadaghanan sa mga
Bol-anon sa pagpangandam sa katalagman, kay bisan kon dili kani matagna kanus-a
mo-igo, mahimo kini nga kapangandaman na nga daan. (rahc/PIA-7/Bohol)
No comments:
Post a Comment