DA Fish tienda sa APC: sinugdan sa
Malungtaron’g pag-supply sa isda
TAGBILARAN CITY, Bohol August 7 (PIA)—Pangandoy sa Bureau of
Fisheries and Aquatic Resources (BFAR) nga molungtad ang pasugdan nila nga
pagpabaha sa isda dinhi sa Bohol sa Agosto 16-17 nga pamaligya.
Bisan pa nga Bohol Fish Market, gikatakda sa duha lamang ka
adlaw, kini mao nay higayon nga ang mga local nga manglab-asay,
magka-estoryahan sa mga supplier sa isda sa nagkadaiyang rehiyon sa nasud, aron
ilang a-sabutan ang regular na nga pagtumod, kini gipasabut ni BFAR Fishery
Regulations Officer Wilma Paller.
Bisan kon wala na ang BFAR, hinaut magkasabut na unya ang mga
supplier sa rehiyon nga nagsubra ang isda, aron dinhi na nila itumod ang ilang
isda tungod kay may ma-kaila na sila nga buyer sa lab-as, dugang pasabut ni
Paller.
Mga regular nga isda ngadto sa mga primera klase nga isda sama
sa malasuge, marlin, mga isda nga gipadako sa punong (fishpond), mga kinhason,
pasayan, lukon, nokos, kugita ug uban pang produkto sa dagat sama sa guso lato,
ambang ug mga alimango og lambay gipaabut nga modagsang dinhi gikan sa mga
silingan nga rehiyon nga giaghat sa Department of Agriculture (DA) pag
pamaligya dinhi.
Ang pamaligya, nga ilhon sa ngalan nga Bohol Fish Market, subay
sa gisaad ni DA Secretary Emmanuel Piñol aron hatagan na og solusyon ang
kamahal sa isda nga dugay nga nga gimulo sa mga Bol-anon.
Matud ni BFAR Paller, hugopan sa mga supplier sa isda sa Rehiyon
5, 6, 7, 8, 9, 10, 12. A3 ug Autonomous Region of Muslim Mindanao (ARMM) ang
pagpaneguro nga may daghan nga isda nga mahimong maabut sa yano nga Bol-anon sa
Agosto 16-17.
Ang Bohol Fish Market, o Tienda, mahimo na rehiyonal nga exhibit
sa mga supplier sa isda kinsa magpabaha dinhi sa Bohol sa mga isda, sa mas ubos
nga presyo kon itandi sa mga mapalit sa kamerkadohan dinhi karon.
Kahinumdoman nga lakip na si DA Secretary Pinol ang wala
makasabut ngano nga bisan pa og gilibutan sa dagat ug may lima ka pasilidad sa
BFAR nga nagsupply na gani og fingerlings sa silingan nga mga isla, mahal
gihapon ang isda sa Bohol.
Kini usab bisan pa sa gihagbong nga mga proyekto ug tabang sa
mga ahensya sa kagamhanan ngadto sa mga mananagat pinaagi sa mga pahuwam nga
puhunan, mga Community Fish Landing Projects, mga pokot, fish cases ug fish
pens, mga seeding sa mga kinhason, wala gihapo’y alibyo sa presyo.
Sa kawala’y epekto sa mga paningkamot sa local nga mga
tinugynan, ilabi na sa mga gipasangil nga monopoliya sa isda nga gihari-an og
pipila lamang ka negosyante ug gipanalipdan sa mga naa sa gahum, misanong ang
DA pinaagi ni Sec Pinol.
Segun sa gitaho sa BFAR, may mga isda pa sa Zamboanga sama sa
tamban nga naa ra sa tag P40 ang kilo, nga kon komprahon na sa mga Bol-anon’g
lab-asera, mopatong lamang og P20.
Sa mga mahalon nga isda, gitugot sa mga tinugyanan ang P50 nga
patong matag kilo, diin gilantaw nga ang presyo, dili na moabut sa tag P300 sa
primera klase nga isda dinhi sa Agosto 16.
Dugang ni BFAR Region 7 information Officer Alma Saavedra, ang
mga komprador lang ang makapalit sa pag-abut sa isda sa pantalan sa Tagbilaran,
ug adto na kini idisplay sa Tienda nga himoon sa APC grounds.
Ang pagpamaligya, mahitabo sugod sa alas 8:00 sa buntag hangtud
sa alas 9:00 sa gabii u gang dili mahalin nga isda, isulod sa mga refrigerated
vans alang sa pamaligya na usab sa pagka-ugma, pasabut ni Saavedra.
(rahc/PIA-7/Bohol)
No comments:
Post a Comment