Sa 4% sa binuwan nga hulogan
sakop sa SSS may benepisyo na
TAGBILARAN
CITY, Bohol, July 31 (PIA)—Sa paggahin og dul-an sa P300 matag buwan, ang
usa ka trabahante sa pribado nga sektor
mahimong makapundo alang sa mas segurado nga kaugma-on, makahuwam ug matabangan
pa sa mga benepisyo sa panahon nga dili pa sila makatrabaho.
Gani,
ang dul-an sa P300 nga binuwan nga hulugan kon masakop na sa Social Security
System (SSS), 3.33% lamang sa kinatibuk-an nga matigum sa usa ka trabahante samtang, subay sa mandu sa
balaod, ang iyang amo mao’y magpundo sa 7.37% aron makompleto ang 11% nga bahin
sa binuwan nga sweldo sa mamumuo.
Segun
pa sa Officer in Charge sa SSS Bohol nga si Aleta Basubas, bisan kon makahatag
na og bali og tulo ka buwan ang bag-ong
sakop sa SSS, matabangan na kini pinaagi sa inadlaw nga cash allowance
nga katumbas sa 90% sa inadlaw nga kita, kon masakit og dili pa makatrabaho.
Buot
ipasabut niini, nga sa kasamtangan nga P343.00 inadlaw nga suholan nga
gipatuman sa Regional Tripartite Wage and Productivity Board (RTWPB) sa Bohol,
mahimong makadawat og P308 nga cash allowance matag adlaw ang trabahante nga
nasakit og napalta sa pagtungha sa trabaho-an.
Hinuon,
gipasabut ni Basubas, nga kini alang lamang sa nakapalta og labing menos upat n
aka adlaw nga naa sa ospital og nagpahuway sa balay, nga nahutdan sa sa leave
nga gitugot sa kompanya’ng gitrabaho-an ug makakuha og makapakita sa SSS sa
doctor’s certification.
Ug,
alang sa mga sakop sa SSS nga nanganak ug dili pa makatrabaho, o sa kadtong
babaye nga trabahante nga nakuhaan (miscarriage), basta nakahulog na og bali og
tulo ka buwan sa kontribusyon sa SSS sulod sa katapusan nga 12 ka buwan sa
pagpanganak, may makuha nga katumbas sa inadlaw nga salary credit sulod sa duha
ka buwan o 60 ka adlaw.
Sa
SSS, ang inadlaw nga sweldo sa usa ka
trabahante, may katumbas nga salary credit nga mahimong molabaw o molubos og
dyutay sa inadlaw nga suholan.
Kon
nanganak pinaagi sa operasyon sa caesarean, inadlaw nga cash allowance nga
katumbas sa 78 ka adlaw nga salary credits and makuha agi og tabang, segun pa
sa SSS.
Gawas
pa niana, sa pagpasakop sa SSS, bisan pa og usa pa lamang ka buwan nga hulogan
ang panasulod, ang sakop nga kawad-an sa swerte ug mamatay, kahatagan na sa SSS
og benepisyon nga cash alang sa pagpalubong.
Kadtong
minggasto sa pagpalubong sa sakop sa SSS, hatagan sa SSS og hinabang nga
mahimong moabut sa P20,000 ngadto sa P40,000 basi usab sa katas-on sa serbisyo
nga gikatanyag sa sakop ug sa kadak-on sa iyang napundo sa binuwan nga hulogan,
dugan sa SSS pinaagi ni Michael Ian Mission, information officer.
Kini
tungod kay subay sa lagda sa SSS, ang tanang trabahante nga napasakop, giisip
na nga gipundohan usab sa ilang mga amo, o bisan na gani niadtong sakop nga
miboluntaryo lang og pasakop o kadtong self employed.
Gawas
ning mga benepisyo nga nasaysay na, mahimo usab ang usa ka sakop sa SSS mga makakubra og hinabang kon
mabaldado, may mapaabut nga pension sa pagretiro sa trabaho ug makahuwam pa
gani sa iyang napundo nga hulogan.
Alangs
a dugang kasayuran, pagdali og pasakop sa SSS aron makapundo na’g makapaabut sa
mas hamugaway nga kaugma-on ug may makuot sa panahon sa panginahanglan.
(rahc/PIA-7/Bohol)
Gipasabut
ni SSS Bohol OIC Aleta Basubas uban ni Michael Ian Mission ang mga benepisyo
nga makuha sa usa ka sakop sa SSS, sa
labing bag-o nga Kapihan sa PIA. (PIABohol)
No comments:
Post a Comment