SSS nanawagan sa mga LGUs nga
Abagan sila pagpatuman sa balaod
Abagan sila pagpatuman sa balaod
TAGBILARAN
CITY, Bohol, August 8 (PIA)—Nanghangyo ang mga tinugyanan sa Social Security
System (SSS) ngadto sa mga local nga kagamhanan, nga tabangan usab sila nga
mapatuman ang tataw nga gilatid sa balaud.
Gitukbil
ni Bohol SSS Officer In Charge Alita Basubas nga gilatid na sa balaod nga ang
tanang mga nanarbaho sa pribadong sector, kinahanglang nahisakop na sa SSS agi
og panalipud sa ilang mga katungod ug paghatag sa ilang social security sa
panahon sa kalisud.
Subay
sa SSS Law, ang usa ka trabahante sa pribado nga sector, o nagkaugalingon sa
negosyo, o Overseas Filipino Worker kinahanglan nga mahisakop sa SSS aron may
makuha nga social protection.
Ang
SSS nanaad nga maghatag sa mga sakop niini sa labing dali, sayon, kasaligan ug
mahinungdanon nga serbisyo sa social protection aron sa panahon nga
gikinahanglan, may kasandigan.
Ilawom
sa SSS, may pugos nga pagpasakop, ug aduna usab sistema sa pagpaboluntaryo nga
pagpasakop, segun pa sa tinubdan sa SSS.
Kadtong
miboluntaryo nga magpasakop mao kadtong kanhing sakop sa SSS apan naundang,
OFWs ug mga wala magtrabaho nga kapikas sa mga sakop sa SSS.
Subay
niini, kadtong mga negosyo nga magkuha og ilang mga business permits, obligado
na nga ipasakop ang ilang mga trabahante.
Apan,
segun pa sa SSS, wala pa ma-anad ang mga negosyante nga isukip na sa ilang taho
ang pagpasakop na sa mga trabahante, samtang, wala usab ma-anad ang mga buhatan
sa kalungsuran nga naghatag sa mga business permits, nga suta-on kini nga lagda
sa balaod sa pagseguro nga sukip na nga narehistro ug nasakop sa SSS ang mga
trabahante niini.
Matud
ni Basubas, hepe sa SSS Bohol, may kasabutan na nga gilagdaan tali sa SSS
ug sa Department of Interior and Local Government, nga subay niini.
Gipasabut
sa SSS nga sa ilang kasabutan sa DILG, himoon na niini nga regulasyon nga sa
pagpagawas sa business permits, tan-awon na sa mga local nga kagamhanan ang
sitwasyon sa pagpasakop sa mga trabahante sa SSS.
Apan,
subo nga palandungon nga dala sa balaod sa Ease of Doing Business, giisip sa
uban nga mga LGUs nga dugang na usab kini nga patong sa burokrasya nga
makalangan na hinuon sa pagpa-aprobar sa negosyo.
Segun
sa Revised Standards in Business Registration nga nahisakop sa joint Circular
sa DILG, Department of Trade and Industry ug Department of Information and
Communications Technology, wala mahisakop didto ang pagpaneguro nga idungan na
sa mga rekisitos ang Compulsory SSS membership sa employers, empleyado ug
kadtong nangaugalingon sa negosyo.
Niini,
sugyot sa DILG, matud pa, nga sa dili pa moduso sa mga papeles ang mga
negosyante nga magpakuha sa ilang mga business permits, kinahanglan nga hipno
na ang pagkasakop sa SSS sa mga trabahante niini.
Dungan usab niini, gipahinumdom sa DILG ug sa SSS nga tungod kay balaod kini, dili na makapagawas sa business permits ug licenses kon dili ma comply sa usa ka negosyante ang pagtuman sa balaod sa SSS. (rahc/PIA-7/Bohol)
No comments:
Post a Comment