Pag-IBIG, nipasidaan sa publiko

batok sa mga scammers

TAGBILARAN CITY, Jan. 28 (PIA)--Nipasidaan ang Home Development Mutual Fund (Pag-IBIG Fund) sa publiko batok sa mga scammer nga mag-ingon nga empleyado sila o di kaha mogamit og pangalan sa mga opisyal sa maong buhatan aron mangayo og salapi.

Sa usa ka pahayag, gi-klaro sa Pag-IBIG Fund nga ang ilang mga opisyal ug ang ilang buhatan mismo dili konektado niining ilegal nga kalihokan.

“Please be informed that Pag-IBIG Fund officers and Pag-IBIG Fund itself are not in any way connected to this illegal activity,” matud pa sa pahayag sa Pag-IBIG.

Gi-awhag sa buhatan ang publiko nga mokuha lamang og impormasyon gikan sa ilang mga social media channels ug website.

Ang Pag-IBIG mi-awhag usab sa publiko sa pagsumbong ngadto sa mga awtoridad o sa bisan asang buhatan sa Pag-IBIG ug sa mga opisyal niini alang sa tukmang aksyon sa mga magpailang empleyado o mogamit sa pangalan sa ilang mga opisyal.

“We urged the public to immediately report to the authorities or to any Pag-IBIG Fund office any person who misrepresents Pag-IBIG Fund and its officers so that appropriate action can be taken against them,” awhag pa sa Pag-IBIG. (ecb/PIA7-Bohol)

Gi-awhag sa Pag-IBIG Fund ang publiko nga mokuha lamang og impormasyon gikan sa ilang mga social media channels ug website aron dili mailad sa mga scammer nga magpailang empleyado o di kaha mogamit og pangalan sa mga opisyal sa maong buhatan aron mangayo og salapi. (Pag-IBIG Fund/PIA)