"No Walk-in Visitors Policy,"
ipatuman sa DILG-Bohol sugod Marso 1

 

TAGBILARAN CITY, Feb. 26 (PIA)--Gipahibalo sa Department of the Interior and Local Government (DILG) sa lalawigan sa Bohol nga sugod Marso 1, 2021, ipatuman nila ang “No Walk-in Visitors Policy.”

 

Kining lakang gitumong aron maminusan ang pagkaladlad ug pagkatap sa COVID-19 tungod na usab sa nagsakang mga kaso sa maong sakit sa lalawigan.

 

Ipatuman kini sugod Marso 1, 2021 hangtod sa dugang nga pahibalo sa DILG-Bohol.

 

Alang sa appointments, gihangyo sa DILG-Bohol ang ilang mga kliyente sa pag-contact kanila pinaagi sa email address info@bohol.dilgregion7.net o motawag lamang sa 0933 139 2273.

 

Gihangyo lamang ang mga kliyente sa pagbutang sa ilang full name ug tuyo sa pagbisita ug maghulat lamang sa tubag sa DILG-Bohol alang sa ihatag nga schedule sa appointment. (ecb/PIA7-Bohol)

 

Ipatuman sa DILG-Bohol ang “No Walk-in Visitors Policy” sugod Marso 1, 2021 hangtod sa dugang nilang pahibalo. (DILG-Bohol/ PIA7-Bohol)